“Dün­ya və­tən­da­şı” fil­mi aka­de­mik Xu­du Məm­mə­do­va həsr olunub

 

Azər­bay­can Te­le­vi­zi­ya və Ra­dio Ve­ri­liş­lə­ri Qa­pa­lı Səhm­dar Cə­miy­yə­ti­nin "Azər­bay­can­te­le­film" Ya­ra­dı­cı­lıq Bir­li­yi­nin ya­ran­dı­ğı vaxt­dan ki­no sə­nə­ti­mi­zin in­ki­şa­fın­da mi­sil­siz xid­mət­lə­ri olub. Ötən əs­rin 70-80-ci il­lə­rin­də öl­kə­miz­də­ki in­ki­şaf pro­ses­lə­ri­nə, əmək qəh­rə­man­la­rı­na, ədə­biy­yat və in­cə­sə­nət, te­atr xa­dim­lə­ri­nə həsr edil­miş bə­dii-pub­li­sis­tik, qı­sa­met­raj­lı film­lə­rə bu gün də hə­vəs­lə ba­xı­lır, on­lar ta­ma­şa­çı­lar tə­rə­fin­dən ma­raq­la qar­şı­la­nır. Qu­ru­mun əmək­daş­la­rı tə­rə­fin­dən len­tə alı­nan xal­qı­mı­zın müs­tə­qil­lik uğ­run­da apar­dı­ğı mü­ba­ri­zə­lər, 20 Yan­var fa­ciə­si, tor­paq­la­rı­mız uğ­run­da dö­yüş­lər ta­ri­xin can­lı sə­hi­fə­lə­ri ki­mi lent yad­da­şın­da ya­şa­yır. Ya­ra­dı­cı­lıq Bir­li­yin­də ənə­nə bu gün də uğur­la da­vam et­di­ri­lir. Ya­xın gün­lər­də da­ha iki sə­nəd­li-pub­li­sis­tik fil­min - "Mö­cü­zə­lər ada­sı­nın sa­ki­ni" (sse­na­ri mü­əl­li­fi Ya­qub Əli­oğ­lu, re­jis­sor Ən­vər Əb­luc, ope­ra­tor Ma­hir Ca­han­gi­rov­dur) və "Dün­ya və­tən­da­şı" (sse­na­ri mü­əl­lif­lə­ri Rəh­man Ba­ba­xan­lı və El­dar İs­gən­dər­za­də, re­jis­sor Şa­həd­din El­xan Nai­loğ­lu, ope­ra­tor Za­hid Ba­ğı­rov­dur) is­teh­sal pro­ses­lə­ri ba­şa çat­mış­dır. "Mö­cü­zə­lər ada­sı­nın sa­ki­ni" fil­mi unu­dul­maz şəx­siy­yət, gör­kəm­li ya­zı­çı-sse­na­rist, re­jis­sor Hə­sən Se­yid­bəy­li­nin hə­yat və ya­ra­dı­cı­lı­ğı­na həsr olu­nub. Ek­ran əsə­rin­də vur­ğu­la­nır ki, mər­hum Hə­sən Se­yid­bəy­li is­te­dad­lı qə­ləm sa­hi­bi ol­maq­la ya­na­şı, xey­li müd­dət "Azər­bay­can­film" ki­nos­tu­di­ya­sın­da re­jis­sor iş­lə­yib. 20-dən ar­tıq ki­ta­bı işıq üzü gö­rüb. Ey­ni za­man­da, "Uzaq sa­hil­lər­də", "Te­le­fon­çu qız" və baş­qa bə­dii film­lə­rin sse­na­ri­lə­ri­ni ya­zıb, on­la­rın çə­ki­li­şin­də fə­al iş­ti­rak edib. "Dün­ya və­tən­da­şı" sə­nəd­li fil­mi isə gör­kəm­li elm xa­di­mi, aka­de­mik Xu­du Məm­mə­do­vun hə­yat yo­lun­dan, el­mi nai­liy­yət­lə­rin­dən bəhs edir. Alim və müd­rik in­san Xu­du Məm­mə­dov cə­mi 61 il ömür ya­şa­yıb. La­kin bu qı­sa müd­dət­də onun el­mi uğur­la­rı dün­ya­ya bəl­li olub. Film­də xa­rak­te­rik, uy­ğun təs­vir­lər gös­tə­ri­lir, gör­kəm­li kris­tal­loq­raf-alim, ix­ti­ra­çı Xu­du Məm­mə­do­vun hə­ya­tı, el­mi kəşf­lə­ri ek­ran­da can­la­nır.

 

Səs.- 2008.- 6 may.- S. 12.