Bakının memarlığı sənədli filmlərdə
Dünən Kinematoqrafçılar İttifaqında
sənədli filmlər rejissoru Ziya Şıxlinskinin
filmləri nümayişləndi. Tamaşaçıların mühakiməsinə
rejissorun "Gəlmələrin
həsrəti" (1997), "Şopenin qayıtması
(1998), "8 dəqiqə yarımlıq
düşüncələr" (1999) filmləri çıxarıldı.
Bu sənədli ekran əsərləri Bakının özgün
memarlığına həsr
edilib. Məlumdur ki, paytaxtımızın tikililəri
arasında polyak və alman memarlığı
üslubunun gözəl
təzahürləri mövcuddur.
Z.Şıxlinski də
kinokamerasını məhz
bu görüntülərə
sarı yönəldib.
Nəticədə isə
şəhərimizin simasını
təşkil edən və müxtəlif memarlıq ənənələrini
canlandıran kinokadrlar
ərsəyə gəlib.
Belə filmlər bir də ona
görə qiymətlidir
ki, şəhərin tarixi panoramını, indiki dövrə müxtəlif səbəblər
üzündən gəlib-çıxmayan memarlıq
abidələrini kino lentinə həkk edirlər.
Həftə içi.- 2008.- 16 may.- S. 8.