Heydər Əliyevin 85 illiyinə həsr olunmuş Beynəlxalq Film Festivalı başlanmışdır

Mayın 5-də Beynəlxalq Ticarət Mərkəzində Yeni Azərbaycan Partiyasının və ANS şirkətlər qrupunun birgə təşkilatçılığı ilə ulu öndərimiz Heydər Əliyevin anadan olmasının 85 illiyinə həsr edilmiş Beynəlxalq Film Festivalının açılış mərasimi keçirilmişdir.
Milli Məclis deputatlarının, dövlət rəsmilərinin, ictimai-siyasi xadimlərin, beynəlxalq qurumların nümayəndələrinin, xarici dövlətlərin ölkəmizdəki səfirlikləri əməkdaşlarının da iştirak etdikləri tədbirdə YAP sədrinin müavini - icra katibi Əli Əhmədov, ANS şirkətlər qrupunun prezidenti Vahid Mustafayev çıxış edərək, tədbirin əhəmiyyətindən danışmışlar.
Bildirilmişdir ki, aprelin əvvəlindən elan olunmuş müsabiqəyə 40-a yaxın sənədli və televiziya filmi qəbul edilmişdir. Onların arasından 20-yə yaxın film festivalda nümayiş etdirilmək hüququ qazanmışdır. Festivala mayın 7-də yekun vurulacaqdır. Beynəlxalq festivalda 7 nominasiya üzrə qaliblərə fəxri diplomlar təqdim olunacaqdır.

Xalq qəzeti.- 2008.- 6 may.- S. 3.