Londondakı “ARS Music” Qoçaq Əsgərovun ifalarından ibarət albom hazırlayıb

Londonda fəaliyyət göstərən "ARC Music" şirkəti gənc xanəndə Qoçaq Əsgərovun ifalarından ibarət "Music from Azerbaijan" adlı albom tərtib edib. Bu barədə APA-ya məlumat verən muğam ifaçısı bildirib ki, disk Avstraliyanın səsyazma studiyalarının birində buraxılıb. "Sarı gəlin" ansamblının müşayiəti və Qoçaq Əsgərovun ifasında alboma "Mirzə Hüseyn segahı", "Qaragilə", "Heydərbaba" xalq mahnıları, "Şüştər" təsnifi və "Şüştər" rəngi, eyni zamanda zərb muğam "Simayi-Şəms" daxil edilib. Diskə Azərbaycanın ərazi bütövlüyü, onun keçmişi və bu günü, Azərbaycan musiqiçiləri və muğamlar haqqında məlumatların toplandığı kitabça da əlavə olunub. Eyni zamanda diskdə yer alan musiqi nömrələri barəsində də nəşrdə məlumatlar yazılıb.

525-ci qəzet.- 2008.- 17 may.- S. 35.