“Azərbaycanın xoşməramlı mələkləri”

Azərbaycan Dövlət Gənclər Simfonik Orkestri və Uşaq Xoru mayın 20-də Parisdə "Azərbaycanın xoşməramlı mələkləri" adlı konsert proqramı ilə çıxış ediblər. APA-nın məlumatına görə, konsert UNESCO-nun qərargahında keçirilən xoşməramlı səfirlərin iclası çərçivəsində baş tutub. Konsert UNESCO-nun xoşməramlı səfiri, Heydər Əliyev Fondunun prezidenti, millət vəkili Mehriban Əliyevanın himayəsi altında keçirilib.

Qeyd edək ki, M. Əliyevanın da iştirak etdiyi iclasa 20-dən artıq UNESCO-nun xoşməramlı səfiri qatılıb. İclasın məqsədi hamının təhsil almasına yardım etmək, mədəniyyətlər və dillərin müxtəlifliyini qorumaq, su resursları və iqlim dəyişiklikləri ilə bağlı problemlərin həlli yollarını müzakirə etməkdir.

Ədalət.- 2008.- 22 may.- S. 6.