Üzeyirşünas Səadət
Qarabağlının yubileyi keçirildi
Dünən
"Azərbaycan Yazıçı Qadınlar
Cəmiyyəti" İctimai Birliyi və Dünya
Azərbaycanlılarının Əlaqələndirmə
Şurasının təşkilatçılığı
ilə dahi Üzeyir bəy Hacıbəyov irsinin
tədqiqatçısı və təbliğatçısı,
üzeyirşünas Səadət Qarabağlının anadan
olmasının 50 illik yubileyi münasibəti ilə Dünya
Azərbaycanlıları Əlaqələndirmə Şurasının
ofisində tədbir keçirildi.
Xatırladaq ki, S.Qarabağlı 1957-ci
ildə Naxçıvan
Muxtar Respublikasının
Şərur rayonunda anadan olub. O, 1999-cu ildən Üzeyir Hacıbəyovun ev muzeyinin direktoru vəzifəsində çalışıb.
Onun
Ü.Hacıbəyov irsinin
və yaradıcılığının
öyrənilməsində böyük rolu var. "Üzeyir Hacıbəyov və Molla Nəsrəddin tərtibçisi", "Üzeyirbaycan",
"Şöhrət tacı",
"Üzeyir bəy Hacıbəyovun publisistikasında
musiqi məsələləri"
və s. adını çəkmədiyimiz
kitab və disklər onun peşə və yaradıcılıq fəaliyyətinin
bariz nümunələridir.
Görüşdə Azərbaycanın
tanınmış ziyalıları,
mədəniyyət və
incəsənət xadimləri
iştirak edirdilər.
DAK sədri Qulamrza Təbrizi də nitqində Səadət xanıma və onun yaradıcılığına
böyük hörmət
etdiyini və peşə fəaliyyətini
yüksək qiymətləndirdiyini
bildirdi.
S.Vurğun adına
ev muzeyinin müdiri Aybəniz Vəkilova çıxışı
zamanı Ü.Hacıbəyovla
bağlı xatirələrini
tədbir iştirakçıları
ilə bölüşdü,
Səadət xanıma
gələcək yaradıcılığında
müvəffəqiyyətlər arzuladı.
İ.Əbilov adına mədəniyyət
evinin "Şəlalə"
xalq çalğı
alətləri ansamblı
və ansamblın bədii rəhbəri Mirəhməd Əsgərov
öz ifası ilə qonaqları feyziyab etdi. Sonda Səadət Qarabağlı YQC-nin sədri Nüşabə Məmmədli tərəfindən
yubiley münasibəti
ilə "Tuti Bikə" diplomu ilə mükafatlandırıldı.
Ədalət.- 2008.- 22 may.- S. 6.