Azərbaycan Xalq Cümhuriytinin 90 illik yubileyi həsr olunmuş tədbir

 

Mayın 28-i Azərbaycan Xalq Cümhuriyyətinin 90 illik yubileyi tamam olur. Bu münasibətlə ölkədə bir sıra tədbirlər keçirilir. Bu tədbirlərdən biri Fikrət Əmirov adına 11 illik incəsənət məktəbinin şagirdləri tərəfindən hazırlanan rəsm sərgisi olub. İlk fərdi sərgisi təşkil olunan Fikrət Əmirov adına İncəsənət Məktəbinin tədbiri Xalq Cümhuriyyətinin 90 illik yubileyinə həsr olundu. Sərgidə müxtəlif mövzulara həsr olunan 80-nə yaxın rəsm əsəri nümayiş olundu. Rəngli boya ilə çəkilən rəsmlərin rəmzi isə təbiət anlayışı idi. 9-15 yaşlarında yeniyetmə müəlliflərin "Mavi dəniz", "Qız Qalası", "Vətənə sevgim" əsərləri daha çox diqqəti cəlb etdi. Xalq Cümhuriyyətinin 90 illik yubileyini məktəblilər Azərbaycan xalqının adət-ənənələrini birləşdirən ekspozisiya ilə qarşıladılar. Məktəbin "Ay işığı" skripkaçılar ansamblı da maraqlı proqramla çıxış etdilər.

 

Səs.- 2008.- 22 may.- S.12.