Gülər
Azərbaycan Eurovision-2008in finalına keçdi
Ermənistan yenə
balabanla nağaranı oğurladı
Bütün dünyanın, o
cümlədən dünya azərbaycanlılarının
böyük həyəcanla izlədiyi və
hazırlaşdığı "Eurovision-2008" müsabiqəsinin
birinci yarımfinalı nəhayət keçirildi. Dünən gecə başlanan müsabiqə iki saatdan artıq
davam etdi və Azərbaycan da daxil olmaqla
19 ölkə öz məharətini layiqincə
təmsil etməyə
çalışdı. Serbiyanın
paytaxtı Belqradda keçirilən "Eurovision"
müsabiqəsində məlum
olduğu kimi Azərbaycan Elnur Hüseynovla Samir Cavadzadə duetinin ifasında "Day after day" mahnısı ilə təmsil olundu. Muğam və opera boğazlarının
daxil olduğu mahnının uğurlu olub-olmayacağı ilk vaxtlar bir
çoxlarının kəskin
müzakirəsinə səbəb
olmuşdu. Çünki
müsabiqənin hazırlıq
mərhələsində internet
sorğularında Azərbaycan
yer ala bilmirdi.
Əvəzində qardaş
Türkiyə, Ermənistan,
İsveç və başqa ölkələr
sorğularda liderlik edirdilər. Buna baxmayaraq, Azərbaycanın
yarımfinaldan finala keçəcəyinə inam
böyük idi. Yəni dünyanın müxtəlif
yerlərinə səpələnmiş
50 milyondan artıq azərbaycanlı bir təmsilçisinə səsini
qıymayacaqğ Dünənki
nəticə göstərdi
ki, Azərbaycandan kənarda yaşayan həmvətənlərimiz birlik
nümayiş etdirməyi
bacarır və nəticədə Azərbaycan finala keçdi. Finala 19 ölkədən Azərbaycanla
yanaşı Yunanıstan,
Rumıniya, Bosniya və Hersoqovina, Finlandiya, Rusiya, İsrail, Ermənistan, Polşa, Norveç də vəsiqə qazandı. Qeyd edək ki, bu
il müsabiqədə
San-Marino da ilk dəfədir iştirak edir. Türkiyə isə ikinci yarımfinalda çıxış edəcək.
Həmin gün 25 ölkə yarışacaq.
Məlumat üçün
deyək ki, 1956-cı ildən keçirilən "Eurovision"a Türkiyə ilk dəfə 1975-ci ildə qatılıb. Həmin il Semiha
Yankı adlı sənətçi "Seninle
bir dakika" adlı mahnısıyla müsabiqənin 19-cusu olmuşdu.
2003-cü ildə Sertap Erener "Everyway that it can" mahnısıyla
layihənin birincisi olub. Keçən il Kenan
Doğulu müsabiqədə
dördüncü oldu.
Daha dəqiq desək,
2006-cı ildə müsabiqənin
qalibi finlandiyalı rok-qrup "Lordi",
2007-ci ildə isə serbiyalı Mariya Şerifoviç "Molitva"
mahnısıyla birinci
oldu. Ermənistan isə artıq
üçüncü dəfədir
qatılır. Bu dəfə də onlar Azərbaycan milli musiqilərini mənimsəməklə bizləri
təəccübləndirə bildilər. Bu barədə bir qədər sonra.
Əvvəlcə onu deyək ki, müsabiqəni Monte-Neqro açdı. Onların ardınca
səhnəyə çıxan
israilli ifaçı sakit mahnısıyla, sevgini aşıladı.
Estoniya təmsilçisi isə kartof-soğanı vəsf
etdiyi məzəli mahnısını həvəslə
oxusa da, bu onlara uğur
gətirmədi. Moldovalı xanım
müğənni həyat
yoldaşı ilə səhnəyə çıxaraq,
maraqlı kompozisiya təqdim etsə də, bu gözəl
ifa da uğur
qazana bilmədi.
San-Marino ilə Belçikadan sonra səhnəyə Azərbaycanın
təmsilçiləri buyurdular.
Mələklə İblis vuruşdu
və sonda İblis muğam oxuyaraq, Allaha pənah gətirdi. Təqdiredici məqam isə,
S.Cavadzadənin muğam
oxuyarkən zalda alqış səslərinin
eşidilməsi idi.
Daha sonra Slovnniya, Norveç, Polşa, İrlandiya,
Andorra, Bosniya və Hersoqavina, Ermənistan, Niderland, Finlandiya, Rumıniya, Rusiya, Yunanıstan öz məharətini göstərdi. 2006-cı ildəki
uğuru yaxşı xatırlayan Finlandiya bu il də rok təqdim
etdi. Ermənistan da ənənəsinə
sadiq qaldı. Surişo Azərbaycanın balabanını,
nağarasını, tütəyini
"Qele-qele" mahnısına
qatıb, oxudu. Bununla həm dünyanın diqqətini çəkməyə,
həm də Azərbaycana bir dərs verməyə çalışdı. Surişonun
ifası haqqında bir neçə kəlmə demək olar. Əvvəla onu deyək ki, Surişonu Dima Bilanın rəqqasları müşayiət
edirdi. Bu isə təəccüblü
deyil. Surişo tamamilə mahnıya uyuşmayan tütəyin sədaları altında türklər demişkən
cəzbedici "göstəri"
verdi. Həm də sözün əsl mənasında. Surişo sözsüz yaxşı hazırlaşdığı
bədən hərəkətləri
ilə sevilə və tamaşaçıların
diqqətini cəlb edə bilər. Elə etdi də.
Surişo çox gəncdi və bir xanım olaraq nə etdiyini çox gözəl bilir. Final gecəsində daha nələr edəcəyini isə zaman göstərəcək.
Bu gün isə İslandiya, Kipr, Türkiyə, Çexiya və başqa ölkələr
finala keçmək uğrunda yarışacaqlar.
Mayın 24-də isə əsas mərhələ-final gecəsi olacaq. 50 milyondan artıq azərbaycanlının səsinin
əsl gücü həmin gün eşidiləcək.
Olaylar.- 2008.- 22 may.- S. 16.