Əliyev Ə.
Avropa Parlamentində Azərbaycan incəsənət
ustalarının konserti olmuşdur
Azərbaycanın
Belçikadakı səfirliyindən AzərTAc-ın
xüsusi müxbirinə bildirmişlər ki, Heydər
Əliyev Fondunun dəstəyi və Avropa Parlamentinin Almaniyadan
olan türk əsilli deputatı Cem Özdəmirin himayəsi
ilə Azərbaycan Respublikasının Gənclər və
İdman Nazirliyi, ölkəmizin Belçika
Krallığında və Lüksemburq Hersoqluğundakı
səfirliyi 28 May - Respublika Günü münasibətilə
mayın 29-da Brüsseldə Avropa Parlamentinin binasında ilk
dəfə olaraq Azərbaycan incəsənət
ustalarının konsertini təşkil etmişlər.
Konsertdən əvvəl səfir Emin Eyyubov tamaşaçıları
salamlamış və
Azərbaycan Xalq Cümhuriyyəti haqqında
məlumat vermişdir.
Konsert proqramını Bakı Xoreoqrafiya Məktəbinin
şagirdlərindən ibarət
rəqs qrupu açmış və milli rəqslərimizi ifa etmişdir. Sonra müğənni Sevda Ələkbərzadə, Emil İbrahim,
Ruslan Hüseynov və Tofiq Cabbarovun
müşayiəti ilə
Azərbaycan caz musiqilərini ifa etmişdir. Çıxışlar tamaşaçılar tərəfindən alqışlarla
qarşılanmışdır.
Belçikanın rəsmi
qurumlarının və
ictimaiyyətinin nümayəndələri,
Avropa Parlamentinin əməkdaşları, Brüsseldə
akkreditə olunmuş
diplomatik nümayəndəliklərin
rəhbərləri və
təmsilçiləri, Belçikada
yaşayan soydaşlarımız
və Azərbaycanlı
Tələbələrin Avropa
Forumunun toplantısına
gəlmiş iştirakçılar
konserti maraqla izləmişlər.
Azərbaycan Respublikasının
Belçika Krallığında
və Lüksemburq Hersoqluğundakı səfirliyi
28 May - Respublika Günü
münasibətilə silsilə
tədbirləri davam etdirir.
Səfirlik və Brüssel şəhər
meriyası arasında
razılığa əsasən,
mayın 28 və 29-da
Belçikanın ən
məşhur abidələrindən
biri olan və şəhərin mərkəzində yerləşən
"Maneken Pis" abidəsi Azərbaycan milli geyimi ilə
bəzədilmişdi.
Səfirliyin əməkdaşları abidəyə tamaşa edən yerli əhaliyə və turistlərə milli geyimlə bağlı izahatlar və Azərbaycan haqqında ətraflı məlumat vermişlər.
Azərbaycan.- 2008.- 31 may.- S. 7.