Xalq Cümhuriyyətinin yubileyi münasibətilə simfonik musiqi axşamı keçirilmişdir

Müslüm Maqomayev adına Dövlət Filarmoniyasında Azərbaycan Xalq Cümhuriyyətinin 90 illik yubileyi ilə əlaqədar simfonik musiqi axşamı keçirilmişdir.
Mədəniyyət və turizm naziri Əbülfəs Qarayev bildirmişdir ki, 90 il əvvəl - 1918-ci il mayın 28-də yaranmış Azərbaycan Xalq Cümhuriyyəti Şərqdə ilk demokratik respublikadır. Lakin o, cəmi 23 ay yaşamışdır.
Müstəqil respublikanın 90 illik yubileyinə həsr olunmuş konsertdə Fəxrəddin Kərimovun dirijorluğu ilə Üzeyir Hacıbəyovun "Koroğlu" operasından uvertüra, Soltan Hacıbəyovun "Karvan" simfonik lövhəsi və Oqtay Zülfüqarovun "Şənlən, mənim xalqım" uvertürası səsləndirilmişdir.
Konsertin ikinci hissəsində isə əməkdar incəsənət xadimi Yalçın Adıgözəlovun dirijorluğu ilə Qara Qarayevin "İldırımlı yollarla" baletindən süita və Fikrət Əmirovun "Azərbaycan kapriççiosu" tamaşaçılara təqdim olunmuşdur.
Konsert maraqla qarşılanmışdır.

Azərbaycan.- 2008.- 28 may.- S. 14.