Pekində 28 May Respublika Günü qeyd olunmuşdur

 

Azərbaycan Xalq Cümhuriyyətinin 90 illiyi münasibətilə ölkəmizin Çin Xalq Respublikasındakı (ÇXR) səfirliyi tərəfindən Pekinin Swissotel mehmanxanasında təntənəli ziyafət təşkil edilmişdir.
Azərbaycanın ÇXR-dəki səfiri Yaşar Əliyev dövlətimizin xarici siyasətinin dünyanın bütün ölkələri ilə dostluq əməkdaşlıq münasibətlərinin inkişaf etdirilməsinə yönəldiyini qeyd etmiş, ölkəmizin dünyada enerji təhlükəsizliyinin təmin olunmasına böyük töhfə verdiyini diqqətə çatdırmışdır.
Azərbaycan ilə Çinin ikitərəfli əlaqələrinə toxunan səfir, Azərbaycanın Çini özünə dost hesab etdiyini bildirmiş, ölkəmizin Çin ilə müxtəlif sahələrdə əməkdaşlığının genişləndirilməsinə böyük əhəmiyyət verdiyini vurğulamışdır.
Tədbirdə qonaqlara səfirliyin nəzdində fəaliyyət göstərən Şuşa Mədəniyyət Mərkəzi tərəfindən hazırlanmış Azərbaycan tarixini mədəniyyətini əks etdirən filmin diskləri, kitablar, jurnallar şəkillər, o cümlədən Azərbaycan nağılları adlı kitablar paylanmışdır.
Ziyafətdə Çin Kommunist Partiyası Mərkəzi Komitəsinin Beynəlxalq İdarəsi rəisinin müavini Çen Fensyan, Çin-Azərbaycan Dostluq Cəmiyyətinin sədri Ley İnçen cəmiyyətin sədr müavini Can Qotsyan, ÇXR Xarici İşlər, İqtisadiyyat, Mədəniyyət, Təhsil nazirliklərinin məsul işçiləri, Çinin aparıcı şirkətlərinin rəhbərləri, Çində akkreditə olunmuş diplomatik korpusun nümayəndələri, yerli xarici kütləvi informasiya vasitələrinin əməkdaşları, Pekində təhsil alan azərbaycanlı tələbələr adamları iştirak etmişlər.

 

Xalq qəzeti.- 2008.- 27 may.- S. 7.