Şirvanda Xalq Cümhuriyyəti yad edilib

Şirvan şəhərinin mərkəzi kitabxanasında Azərbaycan Xalq Cümhuriyyətinin 90 illik yubileyi münasibətilə “Azərbaycan Xalq Cümhuriyyətinin tarixi bu günkü Azərbaycanın şərəfli tarixidir” mövzusunda seminar keçirilib. Xəbəri Mədəniyyət və Turizm nazirliyinin mətbuat xidməti yayıb.
Tədbiri giriş sözü ilə şəhər kitabxanasının direktor müavini S. Qarayev açıb. O, Azərbaycan Xalq Cümhuriyyətinin mövcud olduğu 23 ay müddətində həyata keçirdiyi islahatlar və dövlətçilik ənənəsi haqqında geniş məlumat verib. Seminarda şəhər ziyalıları, kollec tələbələri, habelə ictimaiyyət nümayəndələri iştirak ediblər.
Tədbir zamanı iştirakçılar arasında diskussiyalar keçirilib. Şəhər mərkəzi kitabxanasında Azərbaycan Xalq Cümhuriyyətinə həsr olunmuş kitab sərgisi də təşkil olunub.

Gün.- 2008.- 23 may.- S. 14.