Axundov kitabxanasını tanımayacağıq
Dünən M.F.Axundov adına Milli Kitabxananın 85
illik yubileyi təntənəli şəkildə qeyd olundu. 20-dək ölkənin
baş kitabxana rəhbərlərinin qatıldığı
mərasimdə çıxış
edən mədəniyyət
və turizm naziri Əbülfəz Qarayev bildirdi ki, 90 illik yubileydə
respublikanın əsas
kitabxanası tamamilə
yeniləşəcək. Ə.Qarayev: "Gələn ildən kitabxananın rekonstruksiya işlərinə
başlanılacaq. Bu işdə biz belaruslu həmkarlarımızın
təcrübəsini əsas
götürəcəyik. Belarusun
Milli Kitabxanasının
yeni binası çox möhtəşəm
və çoxfunksiyalıdır.
Biz mütləq onlardan nümunə götürməliyik. Belarus
Milli Kitabxanasının
direktoru Roman Motulski isə bu işdə azərbaycanlı həmkarlarına
köməklik etməyə
hazır olduqlarını
bildirdi. Bir müddət öncə Minskdə yerləşən
kitabxanaya ölkə başçısı İlham
Əliyev, mədəniyyət
və turizm naziri Əbülfəz Qarayev və digər rəsmi şəxslər baş çəkmişdilər. Kitabxana
binasının layihəsi
1980-ci illərin sonunda
işlənib-hazırlansa
da, onu gerçəkləşdirmək
yalnız 15 ildən sonra mümkün olub".
Həftə içi.-
2008.- 18 noyabr.- S. 8.