İbrahimova S.

Rasim Babayevin sərgisi Nyu-Yorkda açılıb

Noyabrın əvvəllərindən başlayaraq Nyu-Yorkun "Hallery MC" salonunda Azərbaycan rəssamı Rasim Babayevin əsərlərindən ibarət sərgi açılıb. Bu barədə Xarici Ölkələrdə Yaşayan Azərbaycanlılarla İş üzrə Dövlət Komitəsinin mətbuat xidmətindən xəbər verilib. Məlumatda bildirilir ki, sərgi "Azerbaiyan Art Exhibition" adlanır.

Qeyd edək ki, Rasim Babayev Əzim Əzimzadə adına Azərbaycan Dövlət Rəssamlıq Məktəbində, daha sonra isə Surikov adına Moskva Rəssamlıq İnstitutunda təhsil alıb. Onun əsərləri bir sıra xarici ölkələrdə nümayiş etdirilib. Azərbaycanlı rəssamın Tretyakov Qalereyasında və Şərq xalqları incəsənəti muzeyində də əsərləri saxlanır. Xatırladaq ki, sözügedən sərgi noyabrın 15-nə kimi davam etdiriləcək.

Kaspi.- 2008.- 8-10 noyabr.- S. 16.