Qaliboğlu E.

 

Allah onları qara yaradıb, amma işləri üzağardandır


Ağac üzərində xəttoyma ustası Seyfəddin Mənsimoğlu Tunisdə Azərbaycanı təmsil edib

 

Bu günlərdə Tunisdə keçirilən beynəlxalq konqresdə iştirak edən ağac üzərində tanınmış xəttoyma ustası Seyfəddin Mənsimoğlu Azərbaycanı uğurla təmsil edib. Konfransın təəssüratlarını bizimlə bölüşən S.Mənsimoğlu bildirdi ki, tədbir "Arxitektura layihələrində ənənəvi əl sənətlərinin tətbiqi" adlanıb: "Tədbir İslam Konfransı Təşkilatı nəzdində İslam Tarixi, İncəsənəti Mədəniyyəti üzrə Tədqiqat Mərkəzi, Tunis Respublikasının Əl Sənətləri Milli Agentliyi, Ticarət Ənənəvi Sənaye Nazirliyi, Mədəniyyət İrsin Qorunması Nazirliyi ilə birgə təşkil edilmişdi. Konqres zamanı üzv ölkələr üçün ayrılmış sərgi-salonlarda həmin sahə üzrə fəaliyyət göstərən sənətkarların öz əsərlərini texnikalarını nümayiş etdirmələri nəzərdə tutulmuşdu. Sərgilərin bu mövzularda - arxitektura layihələrində istifadə oluna biləcək ənənəvi (milli) memarlıq işləri nümunələrinin sərgisi, sənətkarların bilavasitə çalışmalarını nümayiş etdirən sərgi, üzv ölkələrin arxitekturasında istifadə olunan arxitektura quruluşuna daxil ola biləcək ənənəvi memarlıq işləri sahəsində nəşr olunmuş albom, kataloq kitabların sərgisi olub".

Tədbirə Azərbaycan tərəfdən tədbirdə iştirak etmək üçün bir nəfər əl sənətləri üzrə mütəxəssis və həmin sahə üzrə iki nəfər usta dəvət olunmuşdu: "Açığını deyim ki, bu səfər əvvəlki yaradıcılıq səfərlərimdən fərqli olaraq xatirimdə daha yaxşı iz buraxdı. Memarlıq İncəsənət İnstitutunun professoru Ərtəkin Salamzadə, Şəkidən Tofiq adlı şəbəkə ustası da bu tədbirə qatılmışdı. Burada müxtəlif ölkələrdən yüzlərlə sənətkar mütəxəssis iştirak edirdi. Hər halda Şərqin sözügedən sahədə sənətkarlarının yaradıcılığı ilə hərtərəfli tanışlıq imkanım oldu. Müxtəlif ölkələrdən gələn sənətkarların rəngərəng yaradıcılıq üslubları da vardı. Maraqlı şəbəkə işləri nümayiş etdirilirdi. Həmin işlərin içərisində daha çox xoşuma gələn Türkiyədən gəlmiş bir sənətkarın işləri oldu. Doğrudan da onun şəbəkə işləri misilsiz bir ustalıqla yaradılmış nümunələr idi.

Şəkidən gedən soydaşımızın şəbəkə işləri də maraqla qarşılandı. Təvazökarlıqdan uzaq olaraq deyə bilərəm ki, o sərgidə ağac üzərində xəttoyma işlərimə yaxın mövzuda belə işlərə rast gəlinmədi. Hər halda arzu edirdim ki, belə əsərlərə rast gəlim, həmin sənətkarlarla fikirlərimi bölüşüm. Qənaətim isə o oldu ki, bundan sonra daha da məsuliyyətlə yaradıcılıq işləri ilə məşğul olmağım gərəklidir. Sərgiyə gələnlər işlərə böyük maraqla, heyranlıqla baxırdılar. Sonradan fikirləşdim ki, gərək sərgiyə çox aparaydım. Budəfəki tədbirə cəmi iki aparmışdım".

Seyfəddin Mənsimoğlu Tunisin adamlarının mehribanlığı, ölkənin təmizkarlığı barədə maraqla danışır: "Bu ölkədə rastlaşdığım bir sıra məqamlar barədə danışmaq istərdim. Bunlardan biri odur ki, adamlar biri-birlərilə rastlaşarkən tanımadıqları adam da olsa, ürəklə salamlaşırlar. Halbuki bizdə belə deyil. Hər yan tərtəmizdir. Bizim tədbirin keçirildiyi yer təmiz olmaqla həm siqaret çəkmək üçün imkan belə yox idi. Çox uzaqda siqaret çəkmək üçün yer ayrılmış, külqabı qoyulmuşdu. Qaldığımız mehmanxananın həyətində o qədər ürəklə işləyirdilər ki, yalnız öz həyətində bu cür işləyə bilərsən. Biz Aralıq dənizindən bir neçə yüz metr kənarda qalırdıq. Dənizin sahillərində qum o qədər təmiz idi ki, sanki ələkdən keçirib səpmisən. Binaların gözəlliyindən doymaq olmur. Deyirəm, Allah onları qara yaradıb, amma işləri üzağardandır. Gəzinti zamanı bir ərəblə söhbətimiz yadımdan çıxmır. O, dedi ki, biz qazanmışıq, Omanlıların hakimiyyəti zamanında əldə etmişik. Ürəyimiz ərəb ürəyi olsa da, qafamız türk qafasıdır. Savadlı adam idi, etirafında ləyaqət vardı".

 

Xalq cəbhəsi.- 2008.- 21 noyabr.- S. 14.