Hacızadə A.
Tanınmış kinorejissor, xalq
artisti Vaqif Mustafayevin Azərbaycan xalqının ümummilli
lideri Heydər Əliyevin Baykal-Amur Magistralının (BAM) tikintisi
dövründəki fəaliyyətinə
həsr edilmiş “Xüsusi təyinat” adlı sənədli filmi Moskvada XI Avrasiya teleforumunun Qran-pri mükafatına layiq görülmüşdür.
Vaqif Mustafayevin bu filmi
“Əsrin magistralı”nın çəkilişində
Heydər Əliyevin çox böyük əməyini və
misilsiz töhfəsini bütün dünyaya nümayiş etdirmişdir.
Xatırladaq ki, bu, Vaqif Mustafayevin
Heydər Əliyev haqqında çəkdiyi
silsilə filmlərindən
dünyanın bütün
ölkələrindən ən
yaxşı filmlərin
nümayiş etdirildiyi
nüfuzlu kinoforumda yüksək mükafata layiq görülmüş
üçüncü filmidir.
Bundan əvvəl müəllifin
“Əsl məhəbbət
haqqında” və “Bir həsədin tarixi” adlı sənədli filmləri də yüksək mükafatlar almışdı.
XI Avrasiya teleforumunun mükafatlarının təqdim
edilməsinə həsr
olunmuş təntənəli
mərasimdə Vaqif Mustafayev kino sənətində səmərəli fəaliyyətinə
görə Beynəlxalq
Jurnalistlər İttifaqının
ordeni ilə də təltif edilmişdir.
Avrasiya Kino və
Televiziya Akademiyasının üzvü olan Vaqif Mustafeyev XI
Avrasiya teleforumu çərçivəsində noyabrın
8-dən başlayaraq Rusiya Kinematoqrafçılar İttifaqının
Kino Evində dünyanın 20-dən çox ölkəsini
təmsil edən kinematoqrafçılar üçün
“Gülüş xalqları yaxınlaşdırır”
mövzusunda ustad dərsləri keçmişdir.
Avrasiya teleforumunda
Azərbaycan kinosunun növbəti uğuru milli
kinematoqrafın yüksək səviyyədə
olmasını göstərir.
Xalq qəzeti.- 2008.- 12 noyabr.- S. 4.