Kino xadimi
Ceyhun Mirzəyevin xatirəsi anılıb
Muzey
Mərkəzində unudulmaz sənətkar, kino aktyoru və
rejissor Ceyhun Mirzəyevin xatirəsinə həsr olunmuş
tədbir keçirilib. Dövlət Film Fondunun təşkilatçılığı ilə keçirilən tədbirin iştirakçıları
əvvəlcə C.Mirzəyevin
həyat və yaradıcılığından bəhs edən fotosərgiyə baxıblar.
Əməkdar incəsənət
xadimi, kinoşünas
Aydın Kazımzadə
Ceyhun Mirzəyevin həyat və yaradıcılıq yolu
barədə iştirakçılara
ətraflı məlumat
verib: "Ceyhun 1970-ci
ildə indiki Azərbaycan Dövlət Mədəniyyət və
İncəsənət Universitetinin
rejissorluq fakültəsini
bitirib. Hələ tələbəlik illərində
o, rejissor köməkçisi, rejissor
assistenti işləyib,
1985-ci ildə rejissor Vaqif Mustafayevlə birlikdə "Bəyin oğurlanması" kinokomediyasını
çəkib. Onun rejissor kimi ilk
müstəqil işi
"İşarəni dənizdən
gözləyin", son
filmi isə "Fəryad" olub. Bu filminə görə ölümündən
sonra bir sıra mükafatlara layiq görülüb".
C.Mirzəyev
aktyor kimi daha geniş fəaliyyət göstərib. O,
20-dən artıq filmə çəkilib. Lakin aktyora ən
çox şöhrət
gətirən "Ögey
ana" filmində ifa etdiyi balaca
İsmayıl obrazı
olub.
A.Kazımzadə
qeyd edib ki, Azərbaycan kino tarixində
özünəməxsus yeri olan C.Mirzəyevin uşaqlıq
illəri qeyri-adi keçib: "Kinorejissor Tofiq
Tağızadə televiziyada "Sizin üçün,
məktəblilər" verilişində onu
görəndən sonra "Görüş" filminə
dəvət edib. Ceyhun o vaxtdan ömrünün
axırınadək həyatını milli kinomuzla
bağlayıb".
Tədbirdə
Azərbaycan Dövlət Mədəniyyət və
İncəsənət Universitetinin dosenti Eldar Dadaşovun
ifasında kino üçün dəyərli musiqilər
yazmış görkəmli bəstəkar Tofiq Quliyevin
mahnıları səslənib.
525-ci qəzet.- 2008.- 20 noyabr.- S.
7.