Ekrandan Rasim Ocaqovun səsi eşidilir, aktyorlar dramaturqlar səhnədən onun haqqında danışır, salondakı tamaşaçılar rejissoru alqışlayırdı

 

Noyabrın 22-də ÜNS yaradıcılıq səhnəsində xalq artisti, rejissor, operator Rasim Ocaqovun 75 illiyinə həsr edilmiş yubiley gecəsi keçirilmişdir.

Xalq artisti Rasim Balayev Rasim Ocaqovla birgə işlədiyi günləri xatırlayır, onun söhbətini fortepianoda səslənən melodiyalar müşayiət edirdi. Mən onunla ötən əsrin 70-ci illərinin əvvəlindən işləyirdim. O vaxt operator olan Rasim Ocaqov Sənin ilk saatın" adlı film çəkirdi", - deyən aktyorun sözlərinə görə, operator rejissor Rasim Ocaqovun öz mövzuları vardı əgər ssenari xoşuna gəlməsə, ondan imtina edirdi. Rüstəm İbrahimbəyovun Anarın dramaturgiyasına müraciət etməsi onun yaradıcılıq yolunun məntiqi davamı olmuşdur.

Səhnədə qoyulmuş ekranda çəkilişlərin müəyyən məqamlarını əks etdirən kadrlar görünürdü. Bu kadrlarda rejissor özü də görünür, onun səsi eşidilirdi.

Xalq artisti, SSRİ və Azərbaycan Dövlət mükafatları laureatı Şəfiqə Məmmədova söylədi ki, Rasim Ocaqov ona sözün hərfi mənasında ikinci həyat bəxş etmişdir. Aktrisa dedi: Mənim ən yaxşı rollarım onun adı ilə, onun filmləri ilə bağlıdır. Bu filmlər sayəsində mən sərbəstlik özümə inam qazanmışam. Biz dost idik. Mən onu bir rejissor kimi, insan kimi çox yüksək qiymətləndirirdim. Demək olar ki, hər gün onunla söhbət edirdim. Axırıncı dəfə onun ölümündən üç gün əvvəl söhbət etmişdik. Mən indi başa düşürəm ki, o bizimlə vidalaşırmış.

Xalq yazıçısı, dramaturq Rüstəm İbrahimbəyov öz xatirələrini bölüşərək qeyd etdi ki, həmin illərdə və elə sonralar da R.Ocaqov neorealizmin güclü təsirinə düşmüşdü. Bu, onun filmlərində özünü göstərir, onlar qızğın mübahisələrə səbəb olurdu. Ocaqovun filmləri barəsində qədər tərifli sözlər deyilsə , əsas məqam bir idi: onun kino lentləri Azərbaycan kinosunda təzə söz, ekranda real həyatı göstərmək cəhdi idi.

Gürcüstanın xalq artisti, Ad günü filminin baş qəhrəmanı David Uplisaşvili, Rusiyanın xalq artisti, Teatr Xadimləri İttifaqının sədri, Ocaqovun İstintaq, Bağlı qapı arxasında və Özgə həyatı filmlərində çəkilmiş Aleksandr Kalyagin, xalq yazıçısı Anar və başqaları Ocaqovla birgə yaradıcılıqları barədə xatirələrini söylədilər.

Xatirə gecəsinin iştirakçılarına rejissorun həyat və yaradıcılığına həsr edilmiş nəfis tərtibatlı albomlar təqdim edildi. Bu nəşrə yubilyarın ailə arxivindən nadir fotoşəkillər, çəkilişlərdən kadrlar başqa materiallar daxil edilmişdir.

Yubiley gecəsində mədəniyyət və turizm naziri Əbülfəs Qarayev, Moskva Dövlət Universitetinin Bakı filialının rektoru, professor Nərgiz Paşayeva, yaradıcı ziyalılar iştirak etmişlər.


Xalq qəzeti.- 2008.- 23 noyabr.- S. 3.