Rasim
Ocaqov-75
Bu
gün kino sənətimizin iki böyük simasının -
Rasim Ocaqovla Həsən Məmmədovun doğum
günüdür. Bir neçə gün öncə Dövlət Film Fondu Həsən
Məmmədovun 70 illiyini
təntənəli şəkildə
qeyd etdi. Bu gün isə
"ÜNS" Yaradıcılıq Səhnəsində ustad rejissor Rasim Ocaqovun 75 illik yubileyi qeyd olunacaq.
Yubileydə nəinki Azərbaycanın tanınmış
kino xadimləri, eləcə də Rusiya Teatr Xadimləri
İttifaqının sədri
Aleksandr Kalyagin, Ş.Rustaveli adına Tbilisi Milli Dram
Teatrının aktyoru
David Uplisaşvili də iştirak edəcəklər.
Ocaqov
Rasim Mirqasım oğlu 1933-cü ildə Şəki
şəhərində dünyaya gəlib. Ümumittifaq Dövlət
Kinematoqrafiya İnstitutunun
operatorluq fakültəsini,
daha sonra isə M.Əliyev adına Azərbaycan Dövlət İncəsənət
İnstitutunun rejissorluq
fakültəsini bitirib.
Azərbaycan SSR-in xalq artisti, Çeçen-İnquş
Respublikasının əməkdar
incəsənət xadimi,
Azərbaycan SSR Dövlət
mükafatı laureatı
olan Rasim Ocaqov kino tarixinə
"Onun böyük ürəyi", "Mən
rəqs edəcəyəm",
"Təhminə", "Otel otağı", və s. mükəmməl
ekran əsərlərini
bəxş edib.
1974-cü ilə
qədər C.Cabbarlı
adına "Azərbaycanfilm"
kinostudiyasında ən
bacarıqlı operatorlardan
biri kimi çalışan R.Ocaqov
quruluşçu-rejissor kimi
də özünü
ən qəti şəkildə elə ilk filmi olan
"Qatır Məmməd"lə təsdiq etmişdi. Onun Rüstəm İbrahimbəyovun
ssenariləri əsasında
yaratdığı "Ad
günü", "İstintaq",
Bağlı qapı arxasında", "Park",
"Özgə ömür",
"Həm ziyarət,
həm ticarət",
"Ölsəm... bağışla",
"Qətldən yeddi
gün sonra" filmləri bitkin ekran əsərləri olmaqdan savayı, müasir cəmiyyətin diqqətli müşahidəsindən doğduğu üçün
gələcəyə ismarış
missiyası daşıyan
ssenarilərin peşəkarcasına
ekran həlli və deməli, çox uğurlu yaradıcılıq tandemi
kimi çoxdan kino tariximizin "qızıl" səhifəsinə
çevrilib. İstər
Rasim Ocaqovun sənət dostları, istərsə də tamaşaçılar üçün
bu gün onun 75 illiyini özünün iştirakı
olmadan qeyd etmək çox ağırdır. R.Ocaqov
2006-cı il iyulun 11-də dünyasını dəyişib.
Həftə içi.- 2008.-
22-24 noyabr.- S. 8.