Bəstəkarlar İttifaqının Şəkidə regional mərkəzi açılıb

Azərbaycan Bəstəkarlar İttifaqının (ABİ) Şəkidə regional mərkəzinin açılışı olub. Tədbirdə ABİ-nin sədri Firəngiz Əlizadə və digər rəsmi şəxslər iştirak edib. F. Əlizadə ABİ-nin fəaliyyətindən danışıb.

Bəstəkar deyib ki, indiyə qədər təşkilatın Naxçıvan, Gəncə, Lənkəran və Qarabağda regional mərkəzləri fəaliyyət göstərib. ABİ-nın katibi Ramiz Zöhrabov Şəkidə 5 musiqi məktəbi, bir musiqi texnikumunun fəaliyyət göstərdiyini, bu mərkəzlərdə 600 nəfər müəllimin çalışdığını deyib. Buna görə də ABİ-nın Şəkidə regional mərkəzinin açılması daha məqsədəuyğun olub.

Azərbaycan Bəstəkarlar İttifaqının sədrinin əmri ilə Fazil Əliyev regional mərkəzin rəhbəri təyin olunub.

Zaman.- 2008.- 25-26 noyabr.- S. 2.