Arif
Məlikov-75
Canlı
korifey, dünyaşöhrətli bəstəkar, SSRİ xalq
artisti Arif Məlikovun 75 illik yubileyi münasibətilə
təşkil edilmiş Beynəlxalq Klassik Musiqi Festivalı
mədəniyyət hadisəsi kimi yaşanmaqdadır.
Noyabrın
19-dan 30-dək davam edəcək festivalın ilk
gününün sevinci M.Maqomayev adına filarmoniyada baş
tutdu. Rauf Abdullayevin
dirijorluğu ilə
Ü.Hacıbəyli adına
Dövlət Simfonik Orkestri bəstəkarın
əsərlərini təqdim
etdi. Konsert proqramının fasilə
vaxtında isə Arif Məlikovun mərhum prezident Heydər Əliyevə həsr etdiyi "Əbədiyyət" adlı
"8-ci simfoniya"sının
diskinin tanıtımı
baş tutdu. Bəstəkar öz çıxışında
bütünlüklə festivalın
təşkilatçısı olan Mehriban xanım
Əliyevanın rəhbərlik
etdiyi Azərbaycan Mədəniyyətinin Dostları
Fonduna, diskin ərsəyə gəlməsində
zəhməti olmuş
hər kəsə, o cümlədən "Azərsun Holdinq"
şirkətinə dərin
minnətdarlığını bildirdi. Ən yüksək səviyyədə
təşkil edilmiş
festival günlərində
paytaxtımızın konsert
və tamaşa salonları bayram əhvalına bürünəcək.
Filarmoniyada Rauf Abdullayevin,
daha sonra isə Fəxrəddin Kərimovun dirijorluğu altında konsertlər,
"Muğam" Teatrının
artistlərinin konserti,
Ü.Hacıbəyli adına
Bakı Musiqi Akademiyasının Böyük
zalında kamera konserti və elmi-praktik konfrans, Arif Məlikovun 7 simfoniyasının, simfonik
və vokal-simfonik poemalarının, romanslarının daxil edildiyi
konsertlər keçiriləcək.
Festivalın zirvə nöqtəsi
isə Sankt-Peterburqun Mariinsk teatrının truppasının təqdimatında
respublikamızın ən
möhtəşəm konsert
sarayında Arif Məlikova dünya şöhrəti gətirmiş
"Məhəbbət əfsanəsi"
baletinin oynanılması
olacaq. 1961-ci ildə Nazim Hikmətin librettosu əsasında yazılmış bu balet o zaman olduğu kimi, yenə də Yuri Qriqoroviçin
quruluşunda yubilyara hədiyyə ediləcək.
Daha bir qiymətli hədiyyə isə Valeri Georgiyevin dirijorluğu ilə Mariinsk Teatrının orkestrinin ifasında Rimski-Korsakovun
"Şəhrizad" simfonik
süitasının və
Arif Məlikovun
"6-cı simfoniya"sının təqdimatı
olacaq.
Həftə içi.- 2008.- 21 noyabr.- S. 8.