Müslüm
Maqomayev Özbəkistanda
da anılıb
Azərbaycanın Özbəkistandakı səfirliyi
Daşkənddəki Həmzə
Həkimzadə Niyazi adına Musiqi kolleci ilə birgə mərhum sənətkar, böyük
müğənni Müslüm
Maqomayevin xatirəsinə
həsr edilmiş mərasim keçirib. Tədbirdə səfirliyimizin
əməkdaşları, Daşkənddəki
Azərbaycan diasporunun
üzvləri, kollecin
şagirdləri və
müəllimləri, jurnalistlər
iştirak ediblər. Xatirə gecəsini giriş sözü ilə açan kollecin direktoru Batır Matyakubov Müslüm Maqomayevin mahnılarının yalnız
keçmiş SSRİ-də
deyil, bütün dünyada sevildiyini bildirib. Azərbaycanın Özbəkistandakı səfirliyinin müşaviri
Zəbi Axundov çıxışında böyük
sənətkarın həyatı
və fəaliyyəti
haqqında məlumat verib. Özbəkistanın
əməkdar artisti Rifat Kuçlikova bildirib ki, Müslüm
Maqomayev Fiqaronun ariyasını, "Buhenvald
harayı"nı ifa edəndə 17 yaşı olub və bu əsərlərlə pərəstişkarlarını ovsunlamağa başlayıb.
Mərasimdə Muhsin Qəniyevin ifasında Azərbaycan xalq və bəstəkar mahnıları səslənib.
Sonra
Müslüm Maqomayev haqqında sənədli film
göstərilib, böyük müğənninin oxuduğu
mahnılar səsləndirilib və xatirə gecəsi
məşhur "Azərbaycan" mahnısı ilə
başa çatıb.
525-ci qəzet.- 2008.- 28 noyabr.- S. 7.