Sevda
Ələkbərzadənin məqsədi
Müğənni xaricdə konsert
verməyə daha həvəslidir
Əməkdar
artist Sevda Ələkbərzadənin Avropa turnesindən
qayıtmasını eşidib onunla əlaqə saxladıq
və yaradıcılığı, eyni zamanda
arıqlaması barədə də məlumat aldıq:
"Yüksək səviyyədə bir turne oldu. Çox gözəl təşkil olunmuşdu. Bir neçə konsert proqramı ilə çıxış
etdim. Konsertdə
"Şəbi-hicran"
diskindəki kompozisiyaları
oxudum. Avropanın, ümumiyyətlə, dünyanın
bir çox ölkələrində konsertləri
yenə də davam etdirəcəyəm.
Ulduz olmaq üçün yetərincə
maliyyə lazımdır,
bununla yalnız yaşadığın, fəaliyyət
göstərdiyin ölkədə
məşhurlaşa bilərsən.
Amma dünya miqyasına çıxmaqdan
ötrü əsasən
istedad lazımdır.
Hansısa layihə üzərində işləyəndə
əsas məqsədim
Avropada konsert vermək yox, həmin layihəni yüksək səviyyədə
sona çatdırmaqdır.
Almaniyanın "Network
Medien" şirkəti
ilə əməkdaşlığımız
da davam edir. Hazırda 2-ci disk üzərində işlər gedir. İndi mahnılar yazdırmaqla məşğuluq.
Əslində, şirkət
rəhbərliyi məni
yeni alboma görə çox tələsdirir. Bu albomda hansı mahnıların olacağını
isə hələ demək istəmirəm. Qaldı arıqlamağıma,
bunu mənə deyənlər var, ancaq özüm hiss etmirəm. Yarım il xüsusi
pəhriz saxladım. Həkimlər yalnız yüngül yeməklər
məsləhət görmüşdü.
Mən, ümumiyyətlə,
çox tez kökələn və arıqlayanam".
Sevdadan
ailə qurmaq arzusunda olub-olmadığını da
soruşduq:
Görüntü
üçün ailə qurmaq mənlik deyil. Bu gün elə-belə ailə qur, sonra da
dağılsın. Ailə
qurmaq xatirinə heç zaman bu addımı atmaram. Əgər hətta sevdiyim insanla belə ailə qurası olsam, bu prosesə
hazır olmalıyam. Bu, sifarişlə olan iş deyil.
Sözsüz ki, bəziləri bunu planla edirlər. Amma mən ailəyə
plan kimi yox, qismət kimi baxıram".
Müğənnidən hansı istedadlı gəncləri tanıdığını
soruşduq: "Səbinə
Babayevanın, Elnurla Samirin ifasını çox bəyənirəm.
Bu gün istedadlı gənclərin
üzə çıxmamasının
səbəblərindən biri
də prodüser mərkəzlərinin olmamasıdır.
Dünyanın ən məşhur müğənniləri
prodüser mərkəzlərinin
sayəsində uğur
qazanıblar. Ona görə də bu gün yerli
sənətçilərimiz heç nə edə bilmirlər. Artıq bu məsələ
ilə də məşğul olmağın
zamanı çatıb.
Bizdə güclü müğənnilər çoxdur,
onlara dəstək olmaq lazımdır".
Sevda
sonda vətənində konsert verməməyinin
səbəbini də açıqladı: "Mənim
digər ölkələrdə konsert verməyim
vətənim üçün daha lazımlıdır. Hansısa bir ölkədə konsert verərkən afişaların,
biletlərin üzərinə
Azərbaycan sözü
yazılır. Konsertə
gələnlər isə
mənim ifamda həm Azərbaycan musiqisini, həm də Azərbaycanı sevir. Xaricdə yaşayıb Azərbaycan
üçün iş
görmək daha lazımlıdır. Amma sizlər üçün
də konsert keçirmək fikrindəyəm.
Albom hazırlıqları
başa çatandan sonra bu barədə
düşünəcəyəm".
Həftə içi.-
2008.- 25 noyabr.- S. 8.