Anşlaqla keçən tamaşalar

AzərTAc xəbər verir ki, xalq yazıçısı ElçininArılar arasındapyesinin tamaşası ilə Azərbaycan-Türkiyə mədəni əməkdaşlığına növbəti töhfə verilmişdir: Milli Dram Teatrının kollektivi qardaş ölkənin üç şəhərində - Tasus, Konya Ankarada həmin əsəri teatrsevərlərə təqdim etmişdir. Qısa müddətdə - oktyabr ayının üçüncü ongünlüyündə 4 dəfə oynanılanArılar arasındaəsəri hər dəfə anşlaqla keçmişdir. Tasus şəhərində tamaşanın səhnəyə qoyulacağını eşidən qonşu Mersin şəhərindən avtobuslarla qonaqlar teatra gəlmişdilər. Ankarada isə tamaşaya baxanlar sırasında tanınmış mədəniyyət, ədəbiyyat xadimləri, rəsmi şəxslər olmuşdur. Yerli xarici KİV nümayəndələri tamaşaya böyük maraq göstərmişlər.

Əməkdar incəsənət xadimi Bəhram Osmanovun rejissorluğu ilə səhnə həllini tapan əsərin süjeti sadə olduğu qədər də maraqlı və düşündürücüdür. Şəhər həyatının səs-küyü, tükənməyən problemləri Babanı (xalq artisti Nurəddin Mehdixanlı) sakit bir guşədə, təbiətin qoynunda arılar arasında məskunlaşmağa vadar etmişdir. Ailənin digər üzvləri - Qadın (xalq artisti Firəngiz Mütəllimova), Ər (əməkdar artist Cəfər Namiq Kamal), Lyala (əməkdar artist Münəvvər Əliyeva), Zülya (Şəhla Əliqızı), Caba (Rəşad Bəxtiyarov), eləcə Dayə (əməkdar artist Mətanət Atakişiyeva) şəhərdə sıxıntılı, darıxdırıcı günlərini yaşayırlar. Bir gün onlar Babanı ziyarət etmək qərarına gəlirlər. Ailə üzvlərinin Baba ilə görüşü səhnəsi düşündürücü ibrətamizdir. Əsərin finalına doğru Babanın fikirlərində ciddi dəyişikliklər baş verir: o, arıların arasında yaşamağa üstünlük versə , ünsiyyətə, həmsöhbətə, həmdərdə böyük ehtiyat hiss edir. ...Dayə arıların arasını seçir.

Tamaşanın quruluşçu rəssamı Altay Sadıxzadədir, musiqisi əməkdar incəsənət xadimi Fərəc Qarayevindir. Qastrol səfərinə Milli Dram Teatrının direktoru əməkdar mədəniyyət işçisi Maqbet Bünyadov rəhbərlik etmişdir. O, uğurlu qastrol səfərindən danışarkən demişdir:

-Hazırda Milli Dram Teatrının binasında əsaslı təmir işləri aparıldığından biz şəhərimizin digər teatrlarında, respublikanın rayonlarında tamaşalar göstərməyə hazırlaşırıq. Eyni zamanda, Azərbaycan teatrının 135 illiyi münasibətilə Türkiyəyə növbəti qastrol səfərimiz gözlənilir.

 

İki sahil.- 2008.- 11 noyabr.- S. 8.