Gürcüstan Dövlət Akademik Teatrının Bakı səfəri davam edir
Məlum olduğu kimi, Şota Rustaveli adına Gürcüstan Dövlət Akademik Teatrı noyabrın 3-dən 8-nə kimi Bakıda qastrol səfərindədir.
Bu teatrının Bakıya son qastrol səfəri 40 il bundan əvvəl
baş tutub, o zaman Azərbaycan
teatrsevərlərinin sənət
aləmində baş
verəcək bu hadisəyə marağını
təsəvvür etmək
mümkün deyil. Səfər müddətində
bu günlərdə
70 illiyini qeyd edən məşhur gürcü rejissoru, teatrın bədii rəhbəri Robert Sturua və dünyaca məşhur bəstəkar Qiya Kançeli də Bakıdadırlar. Onların
hər birini Azərbaycanla, onun sənət dünyası
ilə bağlayan qırılmaz tellər var. Əslində, bu qastrolları dünya şöhrətli
rejissor Robert Sturuanın 70 illiyinə Azərbaycan teatr ictimaiyyətinin ithafı kimi də dəyərləndirmək
olar. Bakıya gələn 39 nəfərlik
aktyor heyətinin tərkibində sənət
taleyi milli kinomuzla bağlı olan, "Ad günü" və
"Əhməd haradadır"
filmlərində baş
rolları yaratmış
aktyorlar da var. Onlardan "Ad günü"ndə maraqlı obraz yaratmış David Uplisaşvili Azərbaycan Respublikasının
Dövlət Mükafatı
Laureatıdır.
Gürcü
aktyarları ilk gün Azərbaycan tamaşaçısı
qarşısına Azərbaycan Dövlət Musiqili Komediya
Teatrının səhnəsində
İ.Çavçavadzenin "O, insandırmı?"
əsəri əsasında rejissor Robert Sturuanın quruluşunda
eyniadlı əsəri təqdim etdi. Tamaşada
əsas rollarda teatrın aparıcı aktyorlarından Tatuli Dolidze, Davud Uplesaşvili, Marina Kahtiyani və başqaları çıxış
etdilər. Tamaşanın
bəstəkarı Giya
Kançeli, rəssamı
Mirian Şvelidzedir. Gürcü aktyorlarının
ifasında təqdim olunan tamaşa alqışlarla qarşılandı.
Qeyd
edim ki, dünən Ş.Rustaveli adına Gürcüstan
Dövlət Akademik teatrı Bakıda dünən daha bir
tamaşa ilə çıxış etdi. Bu D. Kldiaşvilinin "Darispanın iztirabları"
birpərdəli ekssentrik
tragikomediyadır. Tamaşanın
quruluşçu rejissoru
Robert Sturua, Zaza Papuaşvili, rəssamı Mirian Şvelidze, bəstəkarı
Giya Kançelidir.
Bakılı
teatrsevərləri daha bir tamaşa gözləyir. Azərbaycan Dövlət Musiqili Komediya Teatrında 7 noyabrda təqdim olunacaq Vilyam Şekspirin "Hamlet" iki hissəli faciəsinin rejissoru Robert Sturua, səhnəqrafiya və geyimlərin müəllifi Mirian Şvelidze, bəstəkarı
Giya Kançelidir. Təqdim edilən tamaşalar rus dilinə sinxron tərcümə olunur
Səs.- 2008.- 6 noyabr.- S. 12.