Yusifova S.

 

Fərhad Xəlilov yenidən Rəssamlar İttifaqının sədri seçilib

 

Azərbaycan Rəssamlar İttifaqının II qurultayı keçirilib. 347 nümayəndənin qatıldığı forumda qurumun sədri xalq rəssamı Fərhad Xəlilov hesabat məruzəsi ilə çıxış edib. Qurultayın ilk iclasında təftiş komissiyasının sədri Rafael Abbasovun, İttifaqın rəngkarlıq bölməsinin sədri Tofiq Ağababayevin, dekorativ tətbiqi sənət bölməsinin rəhbəri Ənvər Qarayevin, sənətkarlıq bölməsinə başçılıq edən Ziyadxan Əliyevin məruzəsi dinlənilib. Mədəniyyət Turizm Nazirliyinin şöbə müdiri Leyla Axundzadə qurultayda çıxış edib iştirakçılara öz xoş arzularını bildirib.

Sonra təşkilati məsələlər müzakirə edilib və Fərhad Xəlilov yekdilliklə yenidən Azərbaycan Rəssamlar İttifaqının sədri seçilib.

Qurultayın işində Prezidentin İcra Aparatının humanitar siyasət məsələləri şöbəsinin müdiri Fatma Abdullazadə də iştirak edib.

525-ci qəzet.- 2008.- 3 oktyabr.- S. 7.