Azərbaycan filmi Rusiyada bərpa olunub

1965-ci ildə rejissor Hüseyn Sasanpurun çəkdiyi "Su ərizəsi" filmi Dövlət Film Fondunun təşəbbüsü ilə Rusiyada bərpa olunaraq Azərbaycana gətirilib.

Dövlət Film Fondunun direktoru, əməkdar incəsənət xadimi Cəmil Quliyev bildirib ki, film məşhur Azərbaycan yazıçısı Süleyman Rəhimovun eyni adlı əsəri əsasında çəkilmişdir. Filmdə çar Rusiyası dövründə Azərbaycanda baş verən hadisələrdən bəhs edilir. İki hissədən ibarət olan filmdə baş rolları Azərbaycanın tanınmış teatr və kino aktyorları, xalq artistləri Mövsüm Sənani və İsmayıl Osmanlı ifa etmişlər. Filmin rejissoru Hüseyn Sasanpur, operatoru Zaur Məhərrəmov, rəssamı Kamil Nəcəfzadədir.

Paritet.- 2008.- 28-29 oktyabr.- S. 13.