Behbudqızı
S.
“Filmfond” yeni binaya köçür
Cəmil
Quliyev: "Bundan sonra filmlərin qorunması və bərpasında
mühüm addımlar atılacaq"
İndi istifadə
etdiyimiz avadanlıq yalnız ilkin bərpa işləri
üçün nəzərdə tutulub. Bundan sonra filmlərin
qorunması və bərpasında mühüm addımlar
atılacaq
Budəfəki müsahibimiz Cəmil
Quliyevlə 3 istiqamətdə söhbət etdik - direktoru
olduğu Dövlət Film Fondu və Beynəlxalq Kino Məktəbi,
bir də, təbii ki, kinorejissorluq fəaliyyəti barədə.
Yeri gəlmişkən,
görüşümüz həm Beynəlxalq Kino Məktəbinin
aktyor ixtisası şöbəsinə kastinq, həm də
Dövlət Film Fondunun "Azərbaycanfilm"
kinostudiyası ərazisində inşa edilmiş yeni binaya
köçməsi ərəfəsində baş tutdu.
C.Quliyev: - Kastinq nəticəsində
məktəbimizin aktyorluq ixtisasına 16 yaşınadək
olan 15 nəfər seçildi. Aktyor sənətindən
onlara Şəfiqə Məmmədova dərs deyəcək.
- Tələbələrinizin
səviyyəsini necə qiymətləndirirsiniz?
- Tələbələrimiz
istedadlı, yaradıcı gənclərdir. Bildiyiniz kimi, bizim
məktəbə ali təhsilli gənclər
qəbul edilirlər. Onların arasında
telekanallarda çalışanları da var.
-
Hamısı humanitar təhsilli gənclərdir, yoxsa texniki
ixtisas alanları da var?
- Əksəriyyəti
müvafiq ali humanitar təhsil almış gənclərdir. Amma
aralarında Tibb Universitetini, Xalq Təsərrüfatı
İnstitutunu bitirənlər də var. Məktəbimizdə
təhsil müddəti iki ildir. Nazirlər Kabinetinin sərəncamına
görə, məktəbin Cəfər Cabbarlı adına
"Azərbaycanfilm" kinostudiyasının maddi-texniki
bazasında fəaliyyət göstərməsi nəzərdə
tutulub.
-
"Filmfond"un yeni binasına hansı iş prinsipləri,
nailiyyətlər və problemlərlə
köçürsünüz?
- Dövlət
Film Fondu öz fəaliyyətini Beynəlxalq Arxivlər
Federasiyasının formalaşdırdığı istiqamətlər
üzərində qurub. Bu istiqamətlərə filmlərin bərpası
və qorunması, arxiv faktlarının tapılması və
mühafizəsi, beynəlxalq əlaqələrin qurulması,
elmi araşdırmaların aparılması, milli və
dünya kinosunun təbliği aiddir. Bu işləri görməkdən
ötrü Mədəniyyət və Turizm Nazirliyi bizə
çox böyük dayaqdır.
Beynəlxalq Arxivlər Federasiyası ilə
sıx əlaqə yaratmışıq. Bunun sayəsində zəruri
ədəbiyyatı əldə etmək, əlaqələrimizi
genişləndirmək işimiz asanlaşıb. Yeni binada
müasir standartlara cavab verən təchizat şəraitində
çalışacağıq. Fransadan gətirilmiş,
xüsusi olaraq kino-arxiv təşkilatlarının fəaliyyəti
üçün nəzərdə tutulmuş avadanlıq isə
filmlərin mühafizəsində çox köməklik edəcək.
İndi istifadə etdiyimiz avadanlıq yalnız ilkin bərpa
işləri üçün nəzərdə tutulub. Bundan
sonra filmlərin qorunması və bərpasında
mühüm addımlar atılacaq.
-
Telekanallar bir müddət öncə bəzi Azərbaycan
filmlərinin "pirat" versiyalarını, texniki
qüsurlar və hətta ixtisarlarla yayımlayırdılar. "Həftə
içi" qəzeti olaraq öz növbəmizdə bunun
yolverilməz olduğunu vurğulayan məqalə ilə
çıxış da etmişdik. Son zamanlar belə hallar səngiyib.
Ümumiyyətlə, bu sahədə telekanalların
müvafiq struktur rəhbərləri ilə əlaqələriniz
hansı səviyyədədir?
- Telekanallarla əlaqələrimiz
çox yüksək səviyyədədir. Onlardan
razıyıq. Kino redaksiyaları bizimlə
hesablaşırlar. Fəaliyyətimizi tam şəkildə
işıqlandırırlar. Bütün tədbirlərimiz,
tapıntılarımız barədə ətraflı
süjetlər verirlər.
- Beynəlxalq
Arxivlər Federasiyasının istiqamətlərindən biri
olan milli və dünya kinosunun təbliği nələri nəzərdə
tutur?
- Bu istiqamətin
tələblərinə cavab verərək, bildiyiniz kimi,
böyük intensivliklə aramızda olan və
dünyasını dəyişmiş kino xadimlərimizin
yubiley və xatirə gecələrini təşkil edirik, səylərimizin
böyük bir hissəsini kino-foto sənədlərinin əldə
edilməsinə yönəltmişik. Rac Kapurun Bakıya səfərini
əks etdirən fotoların Hindistana göndərilməsi,
Çarli Çaplinə həsr olunmuş tədbirin
keçirilməsi və nəhayət, hələlik ən
son işlərimizdən olan "Kino-bülleten"in nəşri.
Bu kitabdan kitabxanalara da paylanıb. İnanırıq ki,
bütün bunlar kino tariximizlə maraqlananlar
üçün əhəmiyyət kəsb edir. Azərbaycan
kinosunun 110 illiyinə həsr edilmiş
"Kino-bülleten" "12 seriyalı "Heydər Əliyev"
sənədli filmi", "2007-ci ildə Azərbaycan
Dövlət Film Fonduna daxil olan filmlər",
"Gürcüstan Dövlət Kinoarxivindən gətirilmiş
materialların siyahısı", "Azərbaycan Dövlət
Film Fondunun 2008-ci il üçün tədbirlər
planı", "2002-2007-ci illərdə ölkəmizdə
istehsal olunmuş bədii, sənədli və cizgi filmləri"
bölmələrindən ibarətdir.
Söhbət
əsnasında Cəmil müəllim kinorejissor kimi fəaliyyətini
bərpa etmək niyyətində və əzmində
olduğunu da dedi: "Bir neçə dəfə bədii
film çəkmək təklif olunub. Düşünürəm
ki, gələn ildən bu işlə məşğul ola biləcəyəm.
İdeyalarım da var, təxmin etdiyim ssenarilər də..."