Kinorejissor Ağarza Quliyevin anadan olmasının 110 illiyi münasibətilə tədbir keçirilib

 

Dünən Muzey Mərkəzində kinorejissor-kinoaktyor Ağarza Quliyevin anadan olmasının 110 illik yubileyi münasibəti ilə tədbir keçirilib.Tədbirdə çıxış edən Dövlət Film Fondunun rəhbəri, əməkdar incəsənət xadimi Cəmil Quliyev mərhum kinorejissorun bildirib ki, A. Quliyev Azərbaycan milli kinosunun yaradıcılarından biri olmaqla yanaşı, kinematoqrafiya sahəsində böyük yaradıcılıq yolu keçib. A. Quliyevin nəcib insan olduğunu xüsusi vurğulayan C. Quliyev 20-30-cu illərdə Azərbaycan kinosunun məhz onun adı ilə bağlı olduğunu qeyd edib. Onun sözlərinə görə, A. Quliyev "Gilan qızı", "İlk komsomol buruğu", "Əziz adamlar", "Qızıl kol" digər filmlərdə müxtəlif rollar ifa edib C. Cabbarlı, A. M. Şərifzadə, M. Mikayılov kimi sənətkarlarla birgə işləyib: "1930-cu ildə azərbaycanlı aktyor Gürcüstana dəvət olunmuş, burada istehsal olunan "Görüş" filmində mühəndis Əhməd rolunda çəkilib. Sonrakı illərdə Ağarza Quliyev "Mən ki, gözəl deyildim" filmində Rəhim baba "Sevil" film-operasında Babakişi rollarının ifa edib". Rejissor kimi isə A. Quliyev "Direktiv bant", "Səhər", "Ulduz", "Mən ki, gözəl deyildim" bədii filmlərinə quruluş verib onlarla sənədli film çəkib. Tədbirdə çıxış edən kinoşünas Aydın Kazımzadə isə A. Quliyevin sovet xarici ölkə filmlərinin Azərbaycan dilində səsləndirilməsi istiqamətində böyük apardığını deyib.

 

Səs.- 2008.- 25 oktyabr.- S.16.