Mükərrəmoğlu M.

 

Antalyada Azərbaycan kinosu-110 adlı foto sərgi

 

2008-ci il oktyabrın 18-də Antalyada TÜRKSOY tərəfindən 45-ci Altın Portakal kino festivalı və 4-cü Avrasiya Kino Festivalı cərçivəsində Azərbaycan kinosu-110 adlı foto sərginin rəsmi açılışı oldu. Tədbirin açılışını TÜRKSOY-un Baş direktoru Dusen Kaseinov, Türkiyənin Mədəniyyət və Turizm Nazirliyinin Antalya şəhər müdiri İbrahim Acar və Altın Portakal" Festivalının təşkilatçıları etdilər.

Antalya Muzeyində təşkil olunmuş sərgidə Azərbaycan filmlərini əks etdirən 60 foto nümayiş etdirilir. Sərgi iki gün davam etdiriləcəkdir. Sərgi Azərbaycan Respublikası Mədəniyyət və Turizm Nazirliyi tərəfindən hazırlanmış və təmənnasız olaraq TÜRKSOY-a hədiyyə edilmişdir. Gələcəkdə fotolar TÜRKSOY arxivinin Azərbaycan mədəniyyəti materiallarına daxil ediləcəkdir.


Xalq qəzeti.- 2008.- 21 oktaybr.- S. 7.