Qulamova N.
Milli ifaçılıq məktəbimizin görkəmli
nümayəndələrindən biri əməkdar incəsənət xadimi, professor Oqtay Quliyev Azərbaycan musiqi tarixində özünəməxsus yer
tutur. Peşəkar ifaçı, yüksək
səviyyəli pedaqoq,
musiqişünas, tədqiqatçı
Oqtay Quliyevin anadan olmasının 70, yaradıcılıq fəaliyyətinin
45 illiyi tamam oldu.
Tanınmış musiqi
xadimi elmə, təhsilə xüsusi fikir verən,
qayğıkeş və həssas yanaşan
ziyalılardandır. Oqtay Süleyman oğlu Quliyev uşaq yaşlarından incəsənətə
böyük həvəs
göstərmişdir. O, tarda
gözəl çalmış
Azərbaycan muğamlarının,
mahnılarının, rəqslərinin
və bəstəkar əsərlərinin ifa sirlərini dərindən
mənimsəmişdir. Musiqi
sənəti sahəsində
ilk müstəqil addımlarını atan Oqtay təhsil aldığı illərdə
Azərbaycanda və onun hüdudlarından kənarda müxtəlif konsert salonlarında, tədbirlərdə çıxış
etmiş fəal tələbə kimi tanınmışdır. O.Quliyev
Üzeyir Hacıbəyov
adına Azərbaycan Dövlət Konservatoriyasının
xalq musiqi şöbəsində tar
və dirijorluq ixtisasları üzrə professor Səid Rüstəmov və professor Süleyman Ələsgərovdan dərs
almışdır. Bu
professorların sinfini
bitirmiş tələbələr
peşəkar hazırlıq
baxımından yüksək
səviyyədə olmaqla
öz fərdi ifaçılıq simasını
tapmış, milli ənənələri öz
yolları ilə yaşadıb davam etdirmişlər. Oqtay Quliyev tar ifaçılığı
sahəsində Ümumittifaq
və beynəlxalq müsabiqələr laureatı
olmuşdur. Milli folklorumuzun vurğunu olan Oqtay Quliyevin
ifa etdiyi tar alətinin simindən çıxan hər bir ifa
təkrarolunmaz bir sənət əsəridir.
O.Quliyev Azərbaycan xalq
çalğı alətləri orkestrində solist, musiqi
məktəbi, texnikum, ali məktəblərdə və
eləcə də Türkiyənin Trabzon şəhərindəki
Qara Dəniz Texniki Universitetinin "Gözəl
sənətlər" fakültəsinin musiqi
bölümündə tar sinfini açmış və milli
musiqimizi tədris etmişdir. Sovet dövründə mahir tarzən haqqında mətbuatda maraqlı yazılar çap olunmuş, radio və televiziya ekranlarında verilişlər
hazırlanmışdır. Oqtay Quliyev müxtəlif
dövrlərdə çap
olunmuş metodiki tövsiyələrin, "Azərbaycan
xalq çalğı
alətləri orkestri"
adlı monoqrafiyanın,
tədris proqramların,
dərs vəsaitlərin,
elmi məqalələrin
müəllifidir.
İfaçı
kadrların yetişməsində onun əvəzsiz rolu olmuşdur.
O.Quliyev məktəbinin
yetişdirmələrinin bəziləri
əməkdar, xalq artistləri, beynəlxalq,
respublika müsabiqələri
laureatları, tanınmış
ifaçı, təcrübəli
müəllimlərdir. Onun
tələbələri Əhməd
Bakıxanov adına respublika muğam müsabiqəsinin laureatı
Elçin Həşimov,
Ələkbər Ələkbərov
və digər tanınmış sənətkarlardır.
Bütün bu deyilənlərin arxasında
öz dövrünün
və xalqının yüksək düşüncə
tərzinə, böyük
insani keyfiyyətlərinə
malik bir sima, geniş dünyagörüşlü bir
şəxsiyyət durur.
Professor Oqtay Quliyevi yubileyi münasibətiylə
təhsil ocaqlarında
çalışan həmkarları,
tələbələri, xüsusən
də, Azərbaycan Milli Konservatoriyasının
bütün işçi
heyəti təbrik edir, ona cansağlığı,
uzun ömür və ailə xoşbəxtliyi arzulayır.
Azərbaycan.- 2008.- 7 oktyabr.- S. 6.