Samirə

 

Orqan musiqisi axşamı

 

Arif Mirzəyev daha bir yeni kompozisiyasını təqdim etdi

 

Ü.Hacıbəyli adına Bakı Musiqi Akademiyasının Böyük zalında orqan musiqisi axşamı baş tutdu. Bu, həm bəstəkar ifaçı Arif Mirzəyevin solokonserti idi. Artıq bir neçə ildir həmyerlimizi Rusiya Almaniyada öz musiqiçiləri kimi qəbul edirlər. Arif Mirzəyevin Almaniyanın mədəniyyət aləminə çox sıx daxil olması faktını onun Bakıya səfərinin təşəbbüskarı kimi Almaniya Federativ Respublikasının ölkəmizdəki səfirliyinin əməkdaşlarının şəxsən səfir, doktor Per Stankinanın çıxış etməsi təsdiqləyir.

Orqan musiqisi axşamında fövqəladə və səlahiyyətli səfirin giriş sözündən sonra "söz" son zamanlar nəinki orqan üçün bəstələnmiş əsərlərin müəllifi, həm də onların ifaçısı kimi tanınan səbəbkara verildi. Qeyd edilməlidir ki, fəaliyyətinin əsas hissəsini klassik bəstəkarların ölməz əsərlərinin populyarlaşdırılması müasir bəstəkarların orqan üçün yazdıqları kompozisiyaların peşəkarcasına təqdimatını təşkil edən Arif Mirzəyev bu konsertə çox ciddi hazırlaşıb konsert boyunca bunu sezməmək mümkün deyildi. Konsertdə İ.S.Bax, D.Bukstexude müasir alman musiqisinin nümayəndəsi M.Nikelin bəstələri ifa olundu. Musiqisevərlər həmçinin Arif Mirzəyevin özünün bəstələdiyi "Baxın xatirəsinə" birinci orqan simfoniyasını da dinləmək imkanı qazandılar. Arif Mirzəyev Azərbaycandan uzaqda yaşasa da, vətənlə əlaqəni heç zaman kəsmir. Bir il öncə Bəstəkarlar İttifaqının qurultayı keçirilərkən o, mərhum prezident Heydər Əliyevin xatirəsinə həsr etdiyi əsərini həmkarlarının mühakiməsinə vermişdi. Bu dəfə isə A.Mirzəyev "Üzeyir Hacıbəyli" adlı orqan simfoniyasını təqdim etdi. Simfoniya peşəkar musiqimizin banisinin ən populyar əsərlərinə improvizələrlə zəngin idi.
   

Həftə içi.- 2008.- 25-27 oktyabr.- S. 8.