Qızılhacılıda
mədəniyyət mərkəzi
Goranboy rayonunun Qızılhacılı
qəsəbəsində müasir
kitabxanası olan mədəniyyət mərkəzinin
yaradılmasına start
verilib. Adıçəkilən
obyektdə milli-mənəvi dəyərlərimiz
- tariximiz, ədəbiyyatımız,
musiqimiz, xalq tətbiqi sənəti, xalçaçılıq və
folklorumuz təbliğ
olunacaq. Orada rəsm qalereyası, gənclərin istirahəti
üçün kino zalı, pulsuz kompüter və ingilis dili kursları
da yaradılacaq. Eyni zamanda sözügedən
mərkəzdə elektron
kitabxana, oxu zalı və uşaq kitabxanası da fəaliyyət göstərəcək. Yeni
obyektin 2009-cu ilin əvvəllərində istifadəyə
veriləcəyi gözlənilir.
Onu da bildirək
ki, yerli ekspertlər Goranboy rayonunda belə bir mədəniyyət mərkəzinin yaradılmasını
gələcəkdə turistlərin
bu bölgəyə cəlb olunmasına müsbət təsir edən amillərdən biri sayırlar.
Həftə içi.-
2008.- 24 oktyabr.- S. 8.