Qobustan qoruğunda Mədəni irsimizi qoruyaq mövzulu tədbir keçirilib
Bugünlərdə Qobustan Milli Qoruğunda "Mədəni
irsimizi qoruyaq" mövzusunda tədbir təşkil edilib. Qoruğun direktoru Məlahət Fərəcova
çıxışında bildirib ki, Azərbaycanda
ilk qaya rəsmlərinin yerləşdiyi
Qobustan ərazisi 1966-cı ildə dövlət qoruğu elan olunub: "Qobustan qaya rəsmlərinin
öyrənilməsi və
qorunması sahəsində
uzun müddət aparılan tədqiqatlar nəticəsində 1000-ə
qaya üzərində
6000-dən çox abidə qeydə alınıb. Azərbaycan
xalqının qədim
tarixi və mədəniyyətinin öyrənilməsilə
bağlı ən mühüm obyektlərdən
hesab edilən qoruğa daima dövlət tərəfindən
qayğı göstərilib".
M.Fərəcova 1950-1960-cı
illərdə qoruq ərazisində yerləşən
Böyükdaş, Kiçikdaş,
Yazılıtəpə bölgələrində
fəaliyyət göstərən
daş karxanalarının
işinin dayandırıldığını
qeyd edib. Bu addım Azərbaycan
mədəni irsinin qorunmasına dair proqrama əsasən atılıb. Tədbirdə
çıxış edən
digər qonaqlar da daş karxanalarının
fəaliyyətinin dayandırılmasını
və qoruğun dövlətin diqqəti, qayğısı ilə əhatə olunmasını
yüksək qiymətləndiriblər.
Tədbirin bədii hissəsində Lökbatan
və Sahil qəsəbələrində yerləşən
musiqi məktəbinin
şagirdləri konsert
proqramı ilə çıxış ediblər.
525-ci qəzet.- 2008.- 10 oktyabr.- S. 7.