Müslüm Maqomayev təkcə Azərbaycanın deyil, bütün dünyanın müğənnisi idi

Görkəmli və təkrarsız müğənni Müslüm Maqomayevin vəfatı respublikamızın musiqi ictimaiyyətini dərindən kədərləndirmişdir. Görkəmli bəstəkar, dövlət mükafatı laureatı Arif Məlikov öz kədərini telefonla AzərTAc-a belə ifadə etmişdir:

- Azərbaycan xalqına böyük itki üz verib. Ölkəmizin görkəmli şəxsiyyətlərindən biri, böyük istedada malik müğənni Müslüm Maqomayev dünyasını dəyişib. Azərbaycan xalqının yaddaşında Müslüm həmişə parlaq ulduz kimi qalacaqdır. Allah tərəfindən ona böyük istedad, gözəl boy-buxun verilmişdi. Yüzlərlə lent yazısı Müslümün səsini həmişə xalqa çatdıracaqdır. Müslüm Maqomayev təkcə Azərbaycanın deyil, bütün dünyanın müğənnisi idi.

Azərbaycan.- 2008.- 29 oktyabr.- S. 4.