Fidan
Qasımovadan yeni layihə
İstedad
hər zaman sözünü deyir
SSRİ xalq artisti Fidan Qasımova
hazırda yeni diskin yazılması ilə məşğuldur.
Bu diskə bütün dövrlərdə
populyar olan klassik hitlər daxil olacaq.
Diskin
əsas özəlliyi isə Fidan xanımın həmin
əsərləri bir qədər fərqli tərzdə ifa
etməsindən ibarətdir. Məsələn,
F.Qasımova Şubertin
"Ave Mariya" əsərini klassik yox, bir qədər
sərbəst olan şəxsi variasiyada, adət etmədiyimiz temp və ritmdə
təqdim edəcək.
Caz pianoçusu Emil Məmmədovla birlikdə yazdırdığı
albomda Fidan xanım klassikanı caz elementləri ilə sintez edəcək. Bu layihə ilə F.Qasımova artıq adət etdiyi yaradıcılıq vərdişlərindən
bir qədər kənara çıxmaq istəyir.
F.Qasımova:
"Mən böyük bir məktəb keçmişəm,
çoxlu çıxışlarım olub. Hesab edirəm bu və ya
digər kompozisiyanı
lazım bildiyim tərzdə təqdim etməyə hüququm çatır".
Diskə
Tofiq Quliyevin, Niyazinin, Səid Rüstəmovun da
əsərləri daxil ediləcək. Opera
müğənnisi əmindir
ki, yeni layihəni həm yaşlı, həm də gənc nəsil layiqincə qiymətləndirəcək.
Bülbül
adına orta ixtisas musiqi məktəbini bitirdikdən sonra
F.Qasımova Ü.Hacıbəyli adına Azərbaycan
Dövlət Konservatoriyasına daxil olub və 2
fakültədə - vokal və skripka
ifaçılığı - təhsil almağa
başlayıb. 1973-cü ildə
o, Cenevrədə keçirilən gənc vokalçıların
müsabiqəsində iştirak
edərək gümüş
medala, 1 il sonra isə Azərbaycan Dövlət Opera və Balet
Teatrının solisti
olmaq şərəfinə
layiq görülür.
1977-ci ildə isə
F.Qasımova İtaliyada
keçirilən müsabiqədə
uğurlu iştirakına
görə qızıl
medal qazanır. F.Qasımovanın adı
"Dünyanın 100 qadını"
kitabına daxil edilib.
Həftə içi.- 2008.- 21 dekabr.- S. 8.