Azərbaycanda Belorus Mədəniyyət
Günləri keçirilir
Azərbaycan
Respublikası ilə Belorus Respublikası arasında
ticarət-iqtisadi əməkdaşlıq üzrə
hökumətlərarası Komissiyanın IV iclasının
2008-ci il 27 mart tarixli protokoluna uyğun olaraq 2008-ci il bu gün
Azərbaycanda Belorus Respublikasının Mədəniyyət
Günlərinə start verilir.
Azərbaycana
gələn 80 nəfərlik nümayəndə
heyətinə Belorus Respublikasının mədəniyyət
nazirinin müavini Qridyuşko Vladimir Pavloviç
rəhbərlik edir. Rəsmi nümayəndə heyətinin tərkibinə
Belorus Respublikasının
Milli Akademik Böyük Balet Teatrının direktoru və bədii rəhbəri Yelizaryev Valentin Nikolayeviç, Mədəniyyət Nazirliyinin
Beynəlxalq Əlaqələr
şöbəsinin müdiri
Kajuro Mixail Viktoroviç daxildirlər.
Bədii
kollektivləri Belorus Respublikasının Dövlət Rəqs
kollektivi, əməkdar kollektiv "Syabrı" ansamblı,
İrina Dorofeyevanın Mahnı Teatrı, beynəlxalq
müsabiqələr laureatı Günəş Abbasova,
uşaq "Avroviziya" müsabiqəsinin qalibi Kseniya Sitnik,
beynəlxalq müsabiqələr laureatı Pyotr Yefimov,
konsertin aparıcısı Yelena Spiridoviç, Belteleradio
Şirkətinin çəkiliş qrupu və başqaları
daxildirlər. Səfər çərçivəsinə Belorus Respublikasının
xalq rəssamı Q.X.Vaşşenkonun yağlı
boya ilə işlənmiş 35 əsərindən
ibarət fərdi sərgisi daxildir. Mədəniyyət günləri
çərçivəsində Azərbaycan Kinematoqrafçılar
İttifaqında "Qara
pişiyin belində"
və "Vətən
qalxanı" Belorus filmləri nümayiş olunacaq.
Səs.- 2008.- 22 oktyabr.- S. 13.