Beynəlxalq Həmkarlar İttifaqları Konfederasiyası
oktyabrın 7-sini "Layiqli
Əmək günü"
elan etmişdir. Azərbaycan Mədəniyyət
İşçiləri Müstəqil
Həmkarlar İttifaqının
Respublika Komitəsində
bu münasibətlə
"Layiqli əməyin
təmin edilməsində
həmkarlar ittifaqlarının
rolu" mövzusunda tədbir keçirilmişdir.
Bildirilmişdir ki, aksiyadan məqsəd gənclərin,
qadınların, əlillərin
məşgulluğunun təmin
edilməsi, təhlükəsiz
əmək şəraitinin
yaradılması, yoxsulluğun
aradan qaldırılması,
əməyə görə
əməkhaqqının müəyyənləşdirilməsi
problemlərinin həllinə
ictimaiyyətin diqqətini
cəlb etməkdir.
Əmək və
Əhalinin Sosial Müdafiəsi Nazirliyinin şöbə
müdiri Rəna Abdullayeva tədbirdə
çıxış edərək bildirmişdir ki,
ölkəmizdə Beynəlxlq Əmək Təşkilatı
(BƏT) ilə əməkdaşlıq
çərçivəsində bir sıra layihələr
həyata keçirilir. Azərbaycan bu təşkilatın 55 konvensiyasına qoşulmuşdur.
Azərbaycan gənclərin
məşğulluğunun təşkil
edilməsi sahəsində
10 lider dövlət sırasına daxil edilən yeganə MDB ölkəsidir. Respublikamızda
aztəminatlı ailələrin
üzvlərinin ixtisasının
artırılması və
dəyişdirilməsi, kiçik
və orta sahibkarlığın inkişaf
etdirilməsi üçün
müxtəlif kurslar,
seminarlar təşkil
edilir. Hazırda uşaq əməyindən
istifadənin aradan qaldırılması, analığın
mühafizəsi və
digər məsələlərə
dair konvensiyalar ratifikasiyaya hazırlanır.
Sonra
çıxış edənlər mədəniyyət
işçilərinin də "Layiqli Əmək
günü" aksiyasına qoşulduğunu bildirmiş, bu
sahədə həmkarlar ittifaqının rolundan danışmışlar.
Azərbaycan.- 2008.- 8 oktyabr.- S. 6.