Belorus Respublikasının Mədəniyyət günləri davam edir

Bildiyimiz kimi, oktyabrın 22-də Azərbaycanda Belorus Respublikasının Mədəniyyət günlərinə start verildi. Azərbaycanla Belorus arasında qarşılıqlı əməkdaşlığın nəticəsi olaraq iki ölkə arasında belə bir səviyyədə tədbir təşkil olunmuşdur. Ölkələrimiz arasında, bütün sahələrdə olduğu kimi, mədəniyyət sahəsində də əlaqələr xeyli genişlənmiş, yeni mərhələyə qədəm qoymuşdur. Qeyd edim ki, hər iki ölkə prezidentinin qarşılıqlı səfərlərindən sonra Azərbaycan ilə Belorus arasında, bütün sahələrdə olduğu kimi, mədəniyyət sahəsində də əlaqələr xeyli genişlənmiş, yeni mərhələyə qədəm qoymuşdur. Ötən il Belorusda Azərbaycan Mədəniyyəti Günləri keçirilmişdir. İndi ölkəmizdə Belorus Mədəniyyəti Günləri başlanır. Müxtəlif sahələrdə əməkdaşlıq müqavilələri imzalanmışdır. Hər iki respublikada mədəniyyət və incəsənət xadimlərinin bir-birini yaxından tanıması, əməkdaşlıq etməsi üçün belə tədbirlərin mühüm əhəmiyyəti vardır.

Mədəniyyətlərimizin qarşılıqlı təbliği, sənət adamlarımızın əməkdaşlığı xalqlarımız arasında qədim tarixə malik əlaqələrə yeni təkan verməkdədir. Hər iki respublikada mədəniyyət və incəsənət xadimlərinin bir-birini yaxından tanıması, əməkdaşlıq etməsində belə tədbirlərin mühüm əhəmiyyəti vardır. Belorus mədəniyyət xadimlərinin Azərbaycana gəlişi bu gün əsil bayrama çevrilib. Belə ki, Belorus xalqını təmsil edən incəsənət ustalarının çıxışları Azərbaycan sənətsevərlərinə xüsusi zövq verir.

İki dövlət arasındakı mədəni əlaqələrin nəticəsidir ki, bu yaxınlarda Minskdə görkəmli bəstəkar Qara Qarayevin yubileyi qeyd olundu. Eyni zamanda, Belorus Opera və Balet Teatrının Bakı səhnəsində çıxışları anşlaqla qarşılandı. Həmçinin, müxtəlif festivallarda hər iki tərəf fəal təmsil olunub. 80 nəfərlik nümayəndə heyətinə başçılıq edən Belorus mədəniyyət nazirinin müavini Vladimir Qridyuşko bu əməkdaşlığın teatr və kitabxana sahəsində də dərinləşdirməyin vacibliyini qeyd edib. Birgə teatr tamaşalarının hazırlanması və təcrübə mübadiləsi barədə də fikir mübadiləsi aparılıb. Bu səfərdə mədəniyyət müəssisələrində gedən abadlıq-quruculuq işləri də qonaqların diqqətindən yayınmayıb.

Mədəniyyət günləri çərçivəsində Belorus kinematoqrafiyasının istehsalı olan "Qara pişiyin belində" filmi təqdim olunub və "Vətən qalxanı" filmi də Azərbaycan tamşaçısının ixtiyarına veriləcək.

Azərbaycanda Belorus Mədəniyyət Günləri çərçivəsində Bədii sərgi salonunda Belorusun xalq rəssamı Qavriil Vaşçenkonun əsərlərindən ibarət sərginin açılış mərasim keçirildi.

Mədəniyyət və turizm nazirinin müavini Ədalət Vəliyev tədbirdə çıxış edərək qonaqlara Azərbaycan rəssamlarının yaradıcılığı haqqında məlumat verərək, bu tədbirlərin ölkələrimiz arasında mədəni əlaqələrin genişləndirilməsinə təkan verdiyini vurğuladı.

Belorus mədəniyyət nazirinin müavini Vladimir Qridyuşko mədəniyyət günləri çərçivəsində dünya şöhrətli rəssam Q.Vaşçenkonun rəsm əsərlərindən ibarət sərginin açılışını qardaş xalqlarımızın mədəniyyətlərinin inteqrasiyası kimi dəyərləndirdi.

Qavril Vaşçenko Azərbaycanın xalq rəsssamları Tahir Salahov və Toğrul Nərimanbəyovun əsərlərinin Belorusda şöhrət qazandığını, özünün də onlarla dostluq etdiyini və bu əməkdaşlığın iki qardaş xalqın mədəniyyətlərinin inkişafına töhfə verdiyini vurğuladı. Azərbaycanda Belorus Respublikasının Mədəniyyət Günləri davam edir.

Səs.- 2008.- 24 oktyabr.- S. 13.