Ümummilli lider Heydər Əliyevin və şəhidlərin xatirəsinə ehtiram

Oktyabrın 22-dən 24-dək Azərbaycanda Belarus Respublikasının Mədəniyyəti Günləri keçirilir. Belarus mədəniyyət nazirinin müavini Vladimir Qridyuşkonun başçılıq etdiyi nümayəndə heyəti oktyabrın 22-də Fəxri xiyabana gələrək Azərbaycan xalqının ümummilli lideri Heydər Əliyevin məzarı önünə əklil qoymuş, ulu öndərin xatirəsini ehtiramla yad etmişdir.

Qonaqlar görkəmli oftalmoloq alim Zərifə xanım Əliyevanın da məzarı üzərinə gül dəstələri düzmüşlər.

Daha sonra Belarus Mədəniyyəti Günlərinin iştirakçıları Şəhidlər xiyabanında olmuşlar. Azərbaycanın suverenliyi və ərazi bütövlüyü uğrunda mübarizədə şəhid olmuş qəhrəman Vətən övladlarının məzarı üstünə tər qərənfillər qoyulmuşdur.

Qonaqlar paytaxtın yüksək nöqtəsindən Bakının mənzərəsini seyr etmişlər.

Azərbaycan.- 2008.- 23 oktyabr.- S. 5.