Bakıda belaruslu rəssamın
sərgisi açılıb
Azərbaycanda Belarus Mədəniyyəti
Günləri çərçivəsində
Bədii Sərgi Salonunda belaruslu rəssam Qavriil Vaşçenkonun əsərlərindən
ibarət sərginin açılışı olub.
Sərginin açılışında
iştirak edən mədəniyyət və
turizm nazirinin müavini Ədalət Vəliyev qonaqlara Azərbaycan rəssamlarının
yaradıcılığı haqqında məlumat verib. Ə.Vəliyev
bu tədbirlərin ölkələrimiz arasında
mədəni əlaqələrin
genişləndirilməsinə təkan verdiyini vurğulayıb.
Belarus
mədəniyyət nazirinin müavini Vladimir Qridyuşko
mədəniyyət günləri
çərçivəsində görkəmli rəssam
Q.Vaşçenkonun rəsm əsərlərindən
ibarət sərginin açılışını xalqlar
və mədəniyyətlər arasında inteqrasiyası
nümunəsi kimi dəyərləndirib. Qavriil
Vaşçenko Azərbaycanın xalq rəsssamları Tahir
Salahov və Toğrul Nərimanbəyovun əsərlərinin
Belarusda şöhrət qazandığını,
özünün də onlarla dostluq etdiyini və bu əməkdaşlığın
iki qardaş xalqın mədəniyyətlərinin
inkişafına töhfə verəcəyinə
inandığını söyləyib.
525-ci qəzet.- 2008.- 24 oktyabr.- S. 7.