Bəşirqızı Z.
Azərbaycan
Türkiyə İş Adamları Birliyi, Azərbaycan
Türkiyə Tarixi Araşdırmalar Fondu, Azərbaycan
Avropa-Atlantik Mərkəzi və Kultura.Az mədəniyyət
və incəsənət portalının birgə
səyləri nəticəsində “Azərbaycan
mədəniyyəti və incəsənətində
yəhudilər” adlı kitab nəşr edilmişdir.
ATİB-in
ictimaiyyətlə əlaqələr şöbəsindən
bildirmişlər ki, Moskva konservatoriyasının professoru,
bəstəkar Fərəc Qarayevin redaktorluğu ilə
nəşr edilən kitabın mövzusu azərbaycanlı
yəhudilərin ölkəmizin mədəniyyəti,
incəsənəti, eyni zamanda, təhsil və digər
sahələrdə müstəsna xidmətlərinə
həsr olunub.
Kitabda nəşr
edilən məqalələrin müəllifləri
müxtəlif mədəniyyət və incəsənət
nümayəndələri ilə görüşmüş,
müsahibələr almış, müəllif
nəşrləri, həyatdan köçmüş
yəhudilərin həmkarları və dostlarının
xatirələrindən istifadə etmişlər.
Kitab yalnız bu
mədəniyyəti yaradan insanlar və onların
yaxınları üçün deyil, eyni zamanda,
tənqidçilər, mədəniyyətşünaslar,
bəstəkarlar və musiqiçilər üçün
nəzərdə tutulmuşdur.
“Azərbaycan
mədəniyyəti və incəsənətində
yəhudilər” adlı kitabın layihə koordinatorları
yazıçı, Kultura.Az portalının baş redaktoru
Ələkbər Əliyev və bəstəkar, Kultura.Az
portalının şef redaktoru Elmir Mirzəyevdir.
Bəstəkar
Fərəc Qarayevin rəhbərliyi altında tərtib
edilən bu kitabda nəşr edilən məqalələrin
müəllifləri Beynəlxalq Ekoenergetika
Akademiyasının professoru, “İsrail–Azərbaycan”
Beynəlxalq Assosiasiyasının İdarə Heyətinin üzvü
Mixail Ağanurov, musiqişünaslar Rauf Fərhadov,
Gülnarə Səfərova, kino tənqidçisi Ülvi
Mehdi, mədəniyyətşünas Leyla Məmmədova,
teatrşünas, publisist Semen Kastryulin, yazıçı Mark
Verxovskiy, yazıçı-publisist Rəna Yüzbaşı,
publisist Ülviyyə Axundova, müxbirlər Sergey Zevalov,
Valeriy Şeverdyayev, Təhminə Qocayeva, Günel Kamalova,
Leonid Qoryaçev, Arzu Fətəliyeva və Rəna
Qubadovadır. Kitabın böyük oxucu kütləsinin rəğbətini
qazanacağına əminik.
Xalq qəzeti.- 2008.- 11 oktyabr.- S. 8.