Azərbaycan
Rus İcmasının 15 illiyi münasibətilə Bakıda
keçirilmiş konfransın iştirakçıları
Prezident İlham Əliyevə müraciət qəbul
etmişlər.
Müraciətdə
deyilir ki, bu gün müasir Azərbaycan dirçəliş,
misli görünməmiş iqtisadi yüksəliş və tərəqqi
yolundadır. Azərbaycanın beynəlxalq aləmdə
ön mövqelərə çıxması, Bakının
mühüm beynəlxalq görüşlər keçirilən
bir mərkəzə çevrilməsi Azərbaycanın
şöhrətini daha da artırır və onun beynəlxalq
nüfuzuna müsbət təsir göstərir. Uzaqgörən,
məqsədyönlü xarici siyasət nəticəsində
Azərbaycan bütün Cənubi Qafqazda aparıcı
dövlətə çevrilir. Bu gün ölkəmiz yeni
dünya sisteminin formalaşması prosesinin fəal
iştirakçısıdır, onun beynəlxalq aləmdə
nüfuz sahibi olması şəksizdir. Azərbaycanda
iqtisadiyyatın möhkəmlənməsi, xalqın maddi
rifahının yüksəlməsi səmərəli daxili
siyasət, yaxşı düşünülmüş
islahatlar sayəsində mümkün olmuşdur.
Sənəddə xüsusi vurğulanır ki, Azərbaycanın
Rus İcması Cənubi Qafqazda ən böyüyüdür
və rus millətindən olan 150 min vətəndaşın
hamısı fəxr edir ki, onlar sürətlə inkişaf
edən, çiçəklənən Azərbaycanda
yaşayırlar.
Müraciətdə,
həmçinin deyilir ki, Azərbaycanda mövcud olan möhkəm
millətlərarası həmrəyliyin dərin tarixi kökləri
vardır.
Diasporların
ölkənin ictimai həyatında fəal iştirakı,
burada böyük ümumxalq bayramlarının keçirilməsi
bənzərsiz mənəvi zənginlik və səmimiyyət
yaradır, insanlarda vahid ailə hissi doğurur. Azərbaycanda
yaşayan ruslar bu dövlətin tamhüquqlu vətəndaşlarıdır.
Biz kədərimizi və sevincimizi bir-birimizlə
bölüşmüşük, dövlətimizin ərazi
bütövlüyünü çiyin-çiyinə
qorumuşuq və dinc həyatı da birlikdə qururuq. Biz
dinamik inkişaf edən müstəqil Azərbaycanın
müasir tarixinə birlikdə daxil olmuşuq. Biz
özümüzə doğma saydığımız ölkənin
tərəqqisinə töhfə verməyə
çalışırıq, respublikanın bütün əhalisi
kimi, biz də onun ərazi bütövlüyünü tamamilə
dəstəkləyir və separatizmi pisləyirik. Rusiya ilə
Azərbaycan arasında münasibətlər çox dinamik
şəkildə inkişaf edir və regional proseslərə
də müsbət təsir göstərir.
Müraciətdə
respublikada rus dilinin dəstəklənməsinə görə
də dövlətimizin başçısına minnətdarlıq
ifadə edilmişdir.
Azərbaycan.- 2008.- 25 sentyabr.- S. 8.