Rəssam
Əşrəf Muradın
kitab-albomu Moskvada nəşr olunub
Bu yaxınlarda
Moskvada Azərbaycanın
tanınmış rəssamı
Əşrəf Muradın
rəsm əsərlərindən
ibarət "Magiya realizmi" ("Maqiçeskiy
realizm") adlı kitab-albomu nəşr olunub. Kitab-albom tanınmış diplomat Ramiz Abutalıbovun təşəbbüsü ilə
işıq üzü
görüb.
Yüksək
zövqlə hazırlanıb rus və ingilis dillərində
çap edilən kitabın müəllifi tanınmış
rus sənətşünası və jurnalisti Qriqori Anisimovdur.
Kitaba Tahir Salahov, Ramiz Abutalıbov, Anar, Fərhad Xəlilov,
Rüstəm Arifcanov və digər yaradıcı
şəxsiyyətlərin rəssam haqqında xatirə,
rəy və mülahizələri, həmçinin
rəssamın bir sıra əlyazmaları,
məktublarının surəti, yarımçıq
eskizləri daxil edilib.
Moskvadakı
"Aydan" qalereyasında kitab-albomun təqdimat mərasimi
keçirilib. Rəssamın əsərləri orada mütəxəssislərin ciddi
marağına səbəb
olub, müxtəlif mətbuat orqanlarında onunla bağlı müsbət rəylər
dərc edilib.
Ə.Muradın
kitab-albomunun bu ilin oktyabrında ölkəmizdə də
təqdimatının keçirilməsi nəzərdə
tutulub.
525-ci qəzet.- 2008.- 10 sentyabr.- S. 10.