Yunus N.

80 illik yubiley 80 əsərlə qeyd olundıı

19 sentyabr tarixində görkəmli Azərbaycan rəssamı Nadir Qasımovuıı Muzey Mərkəzində sərgisi keçirildi.

Mədəniyyət Nazirliyinin və Azərbaycan Rəssamlar İttifaqının təşkilatçılığı ilə açılan bu sərgi rəssamın 80 illik yubileyi ilə əlaqədar idi. Qeyd edim ki, sərgidə 80 yaşın simvolik olaraq 80 əsəri nümayiş olundu. Sərgi kataloqunun mətnini N.Qasımovun həyat yoldaşı Valentina Qasımova və əməkdar incəsənət xadimi Ziyadxan Əliyev hazırlamışdır. Nəticə etibarilə rəssamın maraqlı işlərindən ibarət olan hazır kataloq sərgiyə təşrif buyuran tamaşaçılara paylandı. Onu da vurğulayım ki, sərgi 23 sentyabra qədər davam edəcəkdir.

Nadir Qasımov (1928-2000) XX əsr Azərbaycan təsviri incəsənətində banisi Tahir Salahov sayılan sərt üslubun ilk nümayəndələrindən biri olubdur. N.Qasımovun əksəriyyət əsərlərinin sərt üslubda işlənilməsinə baxmayaraq, onların hər birində romantizmin elementləri yumşaq duyulur. Buna misal olaraq onun "Əsgərlər çimirlər"(1975), "Günbəz altında"(1975), "Əsrlərin izi"(1967), "Dəniz təlatümə gəlir"(1975) və diğər tablolarını göstərmək olar. Əsərlərinə daima qeyri-adi özünəməxsus adlar qoyan rəssam bu fərqliliyi kompozisiyalarında da təcəssüm etdirirdi. Rəssam yaradıcılığında neft və dəniz mövzularına olduqca xüsusi yer ayırmış, dəniz və neft buruqlarını özünəməxsus səpkidə canlandırmışdı.

Rəssamın "Rəfiqələr" (1969) və "Bazarda" (1967) adlı kompozisiya əsərləri öz sərtliyi, həmçinin rəngin tonallığı ilə seçilirlər. Hər iki tabloda zəhmətkeş qadınlar iş prosesində təsvir edilib. "Rəfiqələr" əsəri soyuq, "Bazarda" əsəri isə nisbətən isti koloritlə işlənilib. Bu da ehtimal ki, mövzunun psixoloji tərəfini açıqlayır. Nadir Qasımov ümumiyyətlə, isti və soyuq rənglərin təzadlı ahəngindən istifadə etməyi sevirdi. Bunu onun əsərlərindən açıq-aydın görmək olur.

Muzey Mərkəzində keçirilən yubiley sərgisinin rəngarəngliyi elə məhz N.Qasımovun yaradıcılıq koloriti ilə bağlı idi. Sərgiyə toplaşan bir sıra sənətsevərlər rəssamın yaradıcılığının özəlliyindən və fərdiliyindən söz açdılar.

Mədəniyyət.- 2008.- 20 sentyabr.- S. 10.