Karikaturçumuz mükafata layiq görülüb

Tanınmış karikaturçu Bayram Hacızadə İsraildə kecirilən 14-cü Beynəlxalq Müsabiqəsində həvəsləndirici mükafata layiq görülüb. "Azərbəycan-İsrail" (Aziz) Beynəlxalq Assosiasiyasından verilən məlumata görə, hər il keçirilən ənənəvi müsabiqə üçün bu dəfə "60 yaşdan sonra yeni həyat başlanır" mövzusu seçilib. Bu il keçirilmiş müsabiqədə münsiflər heyəti 60 ölkədən göndərilmiş 1000-ə yaxın əsərlə tanış olub. (Ötən il 53 ölkədən 750 karikatur təqdim edilmişdi).

Müsabiqənin qalibləri Ukrayna, Fransa və İtaliyadan olan karikaturçular olublar. Mükafatların təqdimetmə mərasimində Bayram Hacızadəyə çatacaq mükafat "Aziz" idarə Heyətinin üzvü Yuri Boçarova təqdim olunub. Qeyd edək ki, İsrailin Hayfa şəhərində 1994-cü ildən ənənəvi olaraq hər il keçirilən bu müsabiqə MDB ölkələrindən olan repatriant rəssamların təsis etdikləri "Penkom" Assosiasiyası və Hayfa Bələdiyyəsi tərəfindən təşkil olunur.

Zaman.- 2008.- 18-19 sentyabr.- S. 9.