“Qala” filmi festivalda nümayiş etdirilib

Ötən həftədən etibarən Anapada XVII "Kinoşok" kino festivalı öz işinə başlayıb və festivala sentyabrın 21-də yekun vurulub. Azərbaycan festivalda reyissor Şamil Nəcəfzadənin "Qala" filmi ilə təmsil olunub. Ramiz Rövşənin ssenarisi əsasında çəkilən filmin operatoru Kənan Məmmədov, rəssamları Arif Məhərrəmov və Əziz Məmmədovdur. Filmdə baş rolları Xalq artistləri Rasim Balayev və Firəngiz Mütəllibova canlandırıblar.

Xatırladaq ki, "Kinoşok" festivalında MDB və Baltikyanı ölkələr iştirak ediblər. 15 ölkənin təmsil olunduğu festivalın himayədarları Rusiya Prezidentinin Administrasiyası, Rusiya Mədəniyyət Nazirliyi, Krasnodar və Anapa administrasiyalarıdır. Festival çərçivəsində beş istiqamətdə müsabiqə də təşkil olunub.

Kaspi.- 2008.- 23 sentyabr.- S. 15.