Heydər Əliyev Elm Mərkəzində ulu öndərin zəngin irsi ilə bağlı araşdırmalar aparılacaqdır

 

Sentyabrın 24-də Qazax şəhərində Heydər Əliyev Elm Mərkəzinin açılışı olmuşdur.

Prezident İlham Əliyev açılışı bildirən rəmzi lenti kəsdi.
Orijinal formalı geniş binada ümummilli liderin həyat fəaliyyətini əks etdirən böyük ekspozisiya salonu vardır. Qazaxlılar xalqımızın dahi oğlunun, müstəqil Azərbaycan dövlətinin memarı qurucusunun xatirəsini əziz tuturlar. Hələ ötən əsrin 70-ci illərində Heydər Əliyevin Qazaxa səfərləri bu rayonun həyatında silinməz izlər buraxmışdır.

Mərkəzdə o dövrdən yadigar olan fotolar, habelə ümummilli liderin 1998-ci ildə prezident seçkiləri ərəfəsində rayona səfərlərini və ictimaiyyətlə görüşlərini əks etdirən fotoşəkillər böyük maraq doğurur.
Mərkəzdə dünyada çox az sayda ölkədə olan, yalnız əlin toxunması ilə idarə edilən UbiqWindow sistemi qurulmuşdur. Bu qurğunun köməyi ilə fotoşəkillər, video görüntülər mətnlər vasitəsilə ulu öndərin həyat fəaliyyəti barədə məlumat almaq mümkündür.

Mərkəzdə kitabxana, kompyuter kursları da yaradılmışdır. Burada elmi araşdırmalar da aparılacaq, gənclər ulu öndərin zəngin irsini öyrənəcəklər.

Mərkəzdə Qafqazda yeganə olan planetari qurulmuşdur. Onun yerləşdiyi salon kürə formalıdır. Salonun tam 180 dərəcə səthi ekran rolunu oynayır. Xüsusi qurğu vasitəsilə həmin ekranda qalaktikalar, Günəş sistemi, planetlər sair göstərilir.

Prezident İlham Əliyev fotoşəkillərə eksponatlara, ekranda nümayiş etdirilən səma cisimlərinə baxdı. Dövlətimizin başçısı Elm Mərkəzindəki funksional əlaqə studiyasında bir neçə rayon məktəbləri ilə monitor vasitəsilə birbaşa əlaqəyə girdi:

-Salam uşaqlar, necəsiniz?

Uşaqlar: Salam. Yaxşıyıq.

İlham Əliyev: Mən sizi salamlayıram yeni dərs ilinin başlanması münasibətilə sizi təbrik edirəm.

Uşaqlar: Cənab Prezident, çox sağ olun, təşəkkür edirik.

İlham Əliyev: Siz yaxşı oxumalısınız, peşəkar olmalısınız, savadlı, bilikli olmalısınız. Azərbaycanın gələcəyi sizinlə bağlı olacaqdır. Azərbaycanda təhsilin səviyyəsinin qaldırılması üçün dövlət çox işlər görür. Yeni məktəblər tikilir, təhsilin keyfiyyəti artır. Artıq burada ən müasir informasiya-kommunikasiya texnologiyaları tətbiq olunur. Mən çox şadam ki, bu gün Qazaxda, Heydər Əliyev Elm Mərkəzində belə gözəl avadanlıq qurulubdur 9 məktəbdə eyni avadanlıq var. Biz bir-birimizi görürük, söhbət edirik. Mən çox şadam ki, Azərbaycanda bu sahədə çox böyük işlər görülür.

Bütün uşaqlar kompyuteri, yeni texnologiyaları bilməlidirlər bütün müasir, mütərəqqi təcrübə Azərbaycanda tətbiq olunmalıdır. İlk növbədə, təhsil sahəsində. Çünki təhsilin səviyyəsindən ölkənin gələcəyi asılıdır. Mən bu gün sizə uğurlar arzulayıram. Arzu edirəm ki, siz yaxşı oxuyasınız böyüyəndə Azərbaycan üçün çox dəyərli vətəndaşlar olasınız.

Rauf Hüseynov (Qazax Rayon İcra Hakimiyyətinin başçısı): Cənab Prezident, şagirdlər Sizə öz suallarını çatdırmaq istəyirlər.
ŞAGİRD: Möhtərəm cənab Prezident, şairlər diyarı Qazax mahalına xoş gəlmisiniz. İlk növbədə, rayonumuza təşrif buyurduğunuza Vətən sərhəddən başlayır prinsipinə sadiq qalıb, sərhəd rayonlarının, eləcə Qazaxın abadlaşdırılmasına, yeni məktəblərin tikintisinə görə Sizə dərin təşəkkürümüzü bildiririk. Bu gün məktəbimizin şagirdləri adından demək istəyirəm ki, əvvəllər orta məktəbi əla qiymətlərlə başa vuran şagirdlərə qızıl gümüş medallar verilərdi. O ənənənin bərpa olunması mümkündürmü?

İlham Əliyev: Bilirsiniz, keçmişdə müxtəlif ənənələr olmuşdur. Biz bütün ənənələrə gərək bugünkü Azərbaycanın reallığına dərəcədə cavab verib-verməmək baxımından yanaşaq. Əlbəttə ki, məktəbdə yaxşı qiymətlərlə oxuyan şagirdlər daha da böyük üstünlüklərə malik olmalıdırlar. Bildiyiniz kimi, indi Milli Məclisdə təhsil haqqında qanun müzakirə olunur. Düzdür, bu müzakirə çox uzandı. Amma geniş müzakirə aparılır yəqin ki, lazım olan bütün tədbirlər bu qanunda öz əksini tapacaqdır.

Mən çox istəyirəm ki, məktəblərdə oxuyan şagirdlər çox bilikli olsunlar onların ibtidai orta təhsili yüksək səviyyədə olsun ki, gələcəkdə müxtəlif sahələrdə çox uğurla işləsinlər. Hər bir gənc öz doğulduğu rayonun inkişafına da öz töhfəsini versin. Son illər ərzində Qazax rayonunda da çox böyük işlər görülüb yeni müəssisələr açılıbdır. Keçən il çox gözəl Olimpiya Kompleksi açılmışdır, onun açılışında bərabər iştirak etmişdik. Bu gün, bir neçə dəqiqədən sonra müasir Müalicə-Diaqnostika Mərkəzinin açılışında iştirak edəcəyəm. Yəni həm tibbi xidmət, həm təhsil, həm infrastruktur, həm yeni müəssisələr, yeni yerləri Azərbaycanın bütün rayonları bax bu istiqamətdə inkişaf edir. Biz məsələlərə kompleks şəkildə yanaşırıq. Əlbəttə ki, təhsil məsələlərinin ön planda olması Azərbaycanın dövlət siyasətinin təzahürüdür. Bizim gələcək bütün uğurlarımız bugünkü gənclərin fəaliyyətindən asılıdır.

Mən sizi bir daha həm salamlayıram, həm yeni dərs ilinin başlanması münasibətilə təbrik edirəm. Sizə bir daha tövsiyə edirəm ki, yaxşı oxuyasınız bilikli mütəxəssislər olasınız. Sağ olun.

Şagirdlər: Cənab Prezident, təşəkkür edirik.

Sonra dövlətimizin başçısı Elm Mərkəzinin Fəxri qonaqlar kitabına ürək sözlərini yazdı.

 

Xalq qəzeti.- 2008.- 25 sentyabr.- S. 1.