Milli
cizgi filmlərindən
ibarət DVD buraxılıb
Bu günlərdə milli cizgi filmlərindən ibarət DVD-lərin tirajı üzərində
iş yekunlaşıb.
Mədəniyyət və
Turizm Nazirliyindən verilən məlumata görə diskə daxil edilən, müxtəlif illərdə
çəkilən filmlərin
Rusiya və Azərbaycan mütəxəssislərinin
səyləri ilə Azərbaycan dilində bərpa olunmuş variantı seçilib. Topluya kiçik yaşlı uşaqlar üçün animasiya filmləri daxil edilib.
Cizgi
filmlərilə bağlı həyata keçirilən
layihə əsasında 21 bu tipli ekran işi Rusiya
paytaxtından ölkəmizə gətirilib. Filmlər "Yeni Dalğa" studiyasında
səsləndirilib. Bu
cizdi filmlərindən
ibarət toplunun 1-ci hissəsidir. Gələcəkdə
layihənin davam etdirilməsi nəzərdə
tutulub.
Mədəniyyət
və Turizm Nazirliyi ilə Heydər Əliyev Fondunun birgə
həyata keçirdikləri layihələr arasında ilk
uşaq məcmuəsi olan diskli albomlar məktəblilər,
eləcə də bağça uşaqları
üçün nəzərdə tutulub. Filmlərin televiziya kanalları ilə ardıcıl nümayiş
etdirilməsi də planlaşdırılır.
525-ci qəzet.- 2008.- 10 sentyabr.- S. 7.