Mədəniyyətdəki problemlər prodüser institutunun olmaması ilə bağlıdır

Nizami Cəfərov belə düşünür

Milli Məclisin Mədəniyyət məsələləri daimi komissiyası payız sessiyasında bir sıra qanun layihəsini müzakirəyə təqdim edəcək. Bu barədə məlumat verən millət vəkili, komissiyanın sədri Nizami Cəfərovun sözlərinə görə, bunlar "Mədəniyyət haqqında" və "Yaradıcı şəxslər və təşkilatlar haqqında" qanun layihələridir: "Mədəniyyət haqqında" qanun 10 il bundan əvvəl qəbul edilib. Ötən müddət ərzində Azərbaycanın iqtisadi, mədəni-mənəvi inkişafı baş verib. Bu baxımdan bir sıra məsələ var ki, onlarla bağlı həmin qanunda dəyişiklik edilməlidir. Faktiki olaraq bu qanunda keyfiyyət dəyişikliyi gözlənilir. Artıq qanun layihəsi ilə bağlı Mədəniyyət və Turizm Nazirliyi ilə əməkdaşlıq edilir". Komissiya sədrinin sözlərinə görə, qanunda ilk dəfə olaraq prodüser anlayışının əks olunması nəzərdə tutulur. Çünki ölkədə mədəniyyət və incəsənətin inkişafı üçün bu institutun formalaşması çox vacib şərtdir. Hazırda mədəniyyət sahəsində bir sıra problemin mövcudluğu məhz mükəmməl prodüser institutunun olmaması ilə bağlıdır.

Kaspi.- 2008.- 18 sentyabr.- S. 15.